କ୍ରିତିଙ୍କୁ ମିଳିଲା ଆଉ ଏକ ସମ୍ମାନ

ବଲିଉଡ ଅଭିନେତ୍ରୀ କ୍ରିତି ସାନନ୍ । ନିଜ ଅଭିନୟ ମାଧ୍ୟମରେ ଅଳ୍ପ ସମୟ ମଧ୍ୟରେ ବହୁତ ପ୍ରଶଂସକଙ୍କୁ ଏକାଠି କରିବାରେ ସଫଳ ହୋଇଛନ୍ତି କ୍ରିତି । ଗତ ବର୍ଷ କ୍ରିତିଙ୍କୁ ଫିଲ୍ମ ମିମି ପାଇଁ ଜାତୀୟ ପୁରସ୍କାର ପ୍ରଦାନ କରାଯାଇଥିଲା । ଏବେ କ୍ରିତିଙ୍କୁ ବର୍ଷ ଆରମ୍ଭରେ ଆଉ ଏକ ବଡ ଉପହାର ମିିଳିଛି । ଆଇକନିକ୍ ୟୁଏଇ ଗୋଲ୍ଡେନ ଭିସା ପାଇଥିବା ତାରକା ତାଲିକାରେ କ୍ରିତିଙ୍କ ନାଁ ସାମିଲ କରାଯାଇଛି । ଏହି ତାଲିକାରେ ବଲିଉଡର ଅନ୍ୟ ସେଲିବ୍ରିଟିଙ୍କ ନାଁ ମଧ୍ୟ ସାମିଲ ଅଛି । ପୂର୍ବରୁ ଶାହରୁଖ ଖାନ, ରଣବୀର ସିଂହ ଏବଂ ବହୁ ପ୍ରସିଦ୍ଧ ଭାରତୀୟ ଫିଲ୍ମ ଇଣ୍ଡଷ୍ଟ୍ରିର ତାରକାଙ୍କ ନାଁ ପଞ୍ଜୀକୃତ ହୋଇସାରିଛି । ଆଉ ଏବେ କ୍ରିତିଙ୍କ ନାଁ ମଧ୍ୟ ଏହି ତାଲିକାରେ ଯୋଡା ଯାଇଛିା ଏହି ପୁରସ୍କାର କ୍ରିତି ସାନନଙ୍କୁ ଇସିଏଚ ଡିଜିଟାଲ ସିଇଓ ଇକବାଲ ମାର୍କୋନି ପ୍ରଦାନ କରିଛନ୍ତି । ଏହି ଗୋଲ୍ଡେନ ଭିସା ସିଷ୍ଟମ ୟୁଏଇରେ ଦୀର୍ଘ କାଳୀନ ଆବାସ ସୁବିଧା ଯୋଗାଇବାରେ ସାହାଯ୍ୟ କରିଥାଏ । ତେବେ ଏହି ସମ୍ମାନ ପାଇ ନିଜର ଖୁସିକୁ ସୋସିଆଲ ମିଡିଆରେ ଜାହିର କରିଛନ୍ତି କ୍ରିତି । ସେ କହିଛନ୍ତି ଯେ, ୟୁଏଇର ଗୋଲ୍ଡେନ ଭିସା ପାଇବା ଗୌରବର ବିଷୟ । ମୋ ହୃଦୟରେ ଦୁବାଇର ଏକ ବିଶେଷ ସ୍ଥାନ ଅଛି । ଏବଂ ମୁଁ ଏହାର ସୁନ୍ଦର ସଂସ୍କୃତିର ଏକ ଅଂଶ ହେବାକୁ ଅପେକ୍ଷା କରିଛି ।