ଟିଭିରେ ଅପରାଧର ଚିଠା ଦେବେ ପ୍ରାର୍ଥୀ

ସାଧାରଣ ନିର୍ବାଚନକୁ ନେଇ ପ୍ରତ୍ୟେକ ଦିନ ନୂଆ ନୂଆ ତଥ୍ୟ ସାମ୍ନାକୁ ଆସୁଥିବା ବେଳେ ଏବେ ଆଉ ଏକ ବଡ ଖବର ସାମ୍ନାକୁ ଆସିଛି । ନିର୍ବାଚନ ପ୍ରସ୍ତୁତି ସମ୍ପର୍କରେ ମୁଖ୍ୟ ନିର୍ବାଚନ କମିଶନର ଏକ ବଡ ଘୋଷଣା କରିଛନ୍ତି । ଚଳିତ ବର୍ଷ ଯଦି କୌଣସି ଦଳର ପ୍ରାର୍ଥୀଙ୍କର କିଛି ବି ଅପରାଧିକ ମାମଲା ରହିଛି ତେବେ ପ୍ରାର୍ଥୀ ମାନେ ବିଜ୍ଞାପନ ଜରିଆରେ ଜଣାଇବେ । ଖବରକାଗଜ, ଟିଭି ରେ ୩ ୩ ଥର ନିଜ ଅପରାଧର ବିବରଣୀ ଦେବେ । ଏପରିକି ଯେଉଁ ଦଳରୁ ପ୍ରାର୍ଥୀ ଜଣକ ପ୍ରତିଦ୍ୱନ୍ଦିତା କରିବେ ସେହି ଦଳ ଅପରାଧିକ ମାମଲା ଥିବା ପ୍ରାର୍ଥୀଙ୍କୁ କିପରି ଟିକେଟ୍ ଦେଲେ ତାର କାରଣ ଦର୍ଶାଇବେ ବୋଲି ନିର୍ବାଚନ କମିଶନର ନିର୍ଦ୍ଦେଶ ଦେଇଛନ୍ତି ।