ଆଜି ଆସିପାରେ କଂଗ୍ରେସର ପ୍ରାର୍ଥୀ ତାଲିକା

ରାଜ୍ୟରେ ନିର୍ବାଚନ ପାଇଁ ବିଜେପି ଓ ବିଜେଡି ତାର ଅଧା ପ୍ରାର୍ଥୀ ଘୋଷଣା କରିସାରିଛି । କଂଗ୍ରେସ ଦଳ ଏବେ ପର୍ଯ୍ୟନ୍ତ ପ୍ରାର୍ଥୀ ଘୋଷଣା କରି ନାହିଁ । ସିଇସିର ବୈଠକ ପରେ ଭୁବନେଶ୍ୱର ଫେରିଛନ୍ତି ପିସିସି ସଭାପତି ଶରତ ପଟ୍ଟନାୟକ । ସେ କହିଛନ୍ତି ଯେ ଆଜି ନ ହେଲେ ଆସନ୍ତାକାଲି କଂଗ୍ରେସ ପ୍ରାର୍ଥୀ ତାଲିକା ଘୋଷମା କରିପାରେ । ଉଭୟ ଲୋକସଭା ଓ ବିଧାନସଭା ଆସନ ପାଇଁ ବୈଠକରେ ଆଲୋଚନା ହୋଇଛି ଏବଂ ନିଷ୍ପତ୍ତି ଚୂଡାନ୍ତ ହୋଇସାରିଛି । ଖୁବଶୀଘ୍ର ନାମ ଘୋଷଣା କରାଯିବ । ରବିବାର ଦିଲ୍ଲୀରେ କେନ୍ଦ୍ରୀୟ ନିର୍ବାଚନ କମିଟି ବୈଠକରେ ଆଲୋଚନା ହୋଇଥିଲା । ଏଥିରେ ସଂସଦୀୟ ଦଳର ଅଧ୍ୟକ୍ଷା ସୋନିଆ ଗାନ୍ଧୀ, କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡ୍ଗେ, କଂଗ୍ରେସର ସାଧାରଣ ସମ୍ପାଦକ କେ.ସି ବେଣୁଗୋପାଳଙ୍କ ସମେତ ୧୬ ଜଣ ସଦସ୍ୟ ଯୋଗଦେଇଥିଲେ । ଓଡ଼ିଶାରୁ ଶରତ ପଟ୍ଟନାୟକ ଓ ନରସିଂହ ମିଶ୍ରଙ୍କ ସହ ରାଜ୍ୟ ପ୍ରଭାରୀ ଅଜୟ କୁମାର ସାମିଲ ହୋଇଥିଲେ ।