କେଉଁ ଆସନରୁ ଲଢିବେ ବର୍ଷା  ?

ଷ୍ଟାର କ୍ରେଜଙ୍କ ଦଳ ଡିଆଁ ପରେ ଚିନ୍ତାରେ ଥିଲା ଶାସକ ଦଳ । କାହିଁକିନା ନିର୍ବାଚନରେ ଭୋଟ ହାତେଇବାର ଅନ୍ୟଏକ ମାଧ୍ୟମ ହେଉଛନ୍ତି ଅଭିନେତା ଓ ଅଭିନେତ୍ରୀ । ତେବେ ଅନୁଭବ ମହାନ୍ତି, ସିଦ୍ଧାନ୍ତ ମହାପାତ୍ର ଓ ଅରିନ୍ଦମ ରାୟଙ୍କ ଦଳ ଡିଆଁ ପରେ ଶାସକ ଦଳକୁ ଶକ୍ତ ଝଟକା ଲାଗିଥିଲା । ଆଉ ଏବେ ସଜ ସଜ ବିଜେଡିରେ ଯୋଗ ଦେଇଛନ୍ତି ଓଲିଉଡର ଚର୍ଚ୍ଚିତ ନାୟିକା ବର୍ଷା ପ୍ରିୟଦର୍ଶିନୀ । ଶଙ୍ଖ ଭବନ ଆସି ସେ ବିଜେଡିରେ ସାମିଲ ହୋଇଛନ୍ତି । ତେବେ ପ୍ରଶ୍ନ ଉଠୁଛି କାହିଁକି ବିଜେଡିରେ ମିଶିଲେ ବର୍ଷା । ଶଙ୍ଖ ଭବନରୁ ଡକରା ଗଲା ନା ନିଜେ ନିଜେ ଆସି ଦଳରେ ମିଶିଲେ । ଗତ ସାଧାରଣ ନିର୍ବାଚନରେ ବିଜେଡି ପାଇଁ ପ୍ରଚାର କରୁଥିଲେ ଅଭିନେତ୍ରୀ ବର୍ଷା ପ୍ରିୟଦର୍ଶିନୀ । ହେଲେ ଏଥର ସାଧାରଣ ନିର୍ବାଚନରେ ସେ ବିଧିବଦ୍ଧ ଭାବେ ଦଳରେ ସାମିଲ ହୋଇଛନ୍ତି । ସ୍ୱାମୀ ବିଜେପିରେ ଯୋଗ ଦେଇଥିବା ବେଳେ ସ୍ତ୍ରୀ ଆସି ବିଜେଡିରେ ମିଶିଛନ୍ତି । ତେବେ ବିଜେଡିରେ ମିଶିଥିବା ବର୍ଷାଙ୍କୁ ଦଳ କୌଣସି ଆସନରୁ ପ୍ରାର୍ଥୀ କରାଇବ ନା ପ୍ରଚାର କାର୍ଯ୍ୟରେ ନିୟୋଜିତ କରାଇବ । ଆଗରୁ ଚୁପ ବସିଥିବା ବର୍ଷା ହଠାତ ଏମିତି ବିଜେଡିର ମିଶିବାର ପ୍ଲାନ କଣ ।  ବର୍ଷାଙ୍କୁ ନେଇ କି ଗେମ ଖେଳିବ ବିଜେଡି । ଅନ୍ୟପଟେ ବିଜେଡିରେ ମିଶୁ ମିଶୁ ମୁଖ୍ୟମନ୍ତ୍ରୀଙ୍କ ଗୁଣଗାନ କରିଥିଲେ । ତେବେ ଆଗକୁ ବର୍ଷାଙ୍କୁ ନେଇ କଣ ହେବ ବିଜେଡିର ରଣନୀତି ତାହାର ଅପେକ୍ଷା ।