ନାମାଙ୍କନ ଭରିଲେ ଦିଗପହଣ୍ଡି ନିର୍ବାଚନମଣ୍ଡଳୀର ବିଧାୟକ ପ୍ରାର୍ଥୀ ବିପ୍ଲବ ପାତ୍ର

ଆଜି ଦିଗପହଣ୍ଡି ନିର୍ବାଚନ ମଣ୍ଡଳୀର ବିଜେଡି ବିଧାୟକ ପ୍ରାର୍ଥୀ ସ୍ୱର୍ଗତ ସୂର୍ଯୟନାରାୟଣ ପାତ୍ରଙ୍କ ପୁତ୍ର ବିପ୍ଲବ ପାତ୍ର ବ୍ରହ୍ମପୁର ଉପ ଜିଲ୍ଲାପାଳଙ୍କ ଅଫିସରେ ତାଙ୍କର ନାମାଙ୍କନ ପତ୍ର ଦାଖଲ କରିଛନ୍ତି । ଦିଗପହଣ୍ଡି ରୁ ନିଜର ଶହ ଶହ ସଂଖ୍ୟାରେ ସମର୍ଥକଙ୍କ ନେଇ ଏକ ବିରାଟ ମୋଟର ସାଇକଲ ଶୋଭାଯାତ୍ରାରେ ଉପ ଜିଲ୍ଲାପାଳଙ୍କ ଅଫିସରେ ପହଞ୍ଚିଥିଲେ । ସ୍ବର୍ଗତ ସୂର୍ଯୟନାରାୟଣ ପାତ୍ରଙ୍କ ପ୍ରତି ବର୍ତ୍ତମାନ ମଧ୍ୟ ଲୋକ ମାନଙ୍କ ଢେର୍ ଭଲ ପାଇବା ରହିଛି , ଯାହାର ଫଳ ସ୍ୱରୂପ ଆଜି ଶହ ଶହ ସଂଖ୍ୟାରେ ଜନସାଧାରଣ ସ୍ଵତଃ ପ୍ରବୃତ୍ତ ଭାବେ ଆମର ଏହି ମୋଟର ସାଇକେଲ ଶୋଭାଯାତ୍ରାରେ ଯୋଡ଼ି ହୋଇ ଯାଇଛନ୍ତି । ଦିଗପହଣ୍ଡି ନିର୍ବାଚନ ମଣ୍ଡଳୀରେ ସୂର୍ଯ୍ୟ ପାତ୍ର ତିନି ତିନି ଥର ବିଧାୟକ ରହି ସମସ୍ତ ବିକାଶ ମୂଳକ କାର୍ଯ୍ୟ କରିଥିଲେ । ବାପାଙ୍କର ସେହି ଅଧୁରା ସ୍ବପ୍ନକୁ ପୂରଣ କରି ବିକାଶକୁ ଆହୁରି ତ୍ୱରାନ୍ୱିତ କରିବି । ଏତଦ୍ ବ୍ୟତୀତ ରାଜ୍ୟ ସରକାରଙ୍କ ବିଭିନ୍ନ ଜନହିତକର ଯୋଜନାକୁ ନେଇ ପ୍ରଚାର ଜୋରଦାର କରିବି । ଯେଉଁ ଗ୍ରାମକୁ ଗଲେ ଲୋକଙ୍କ ସମର୍ଥନ ମିଳୁଛି। ତେଣୁ ଆସନ୍ତା ନିର୍ବାଚନରେ ନିଶ୍ଚୟ ବିଜୟ ଲାଭ କରିବି ବୋଲି ଆଶା ରଖିଛି ।