ଆଗାମୀ ୫ ଦିନ ଯାଏଁ ତ୍ରାହି ନାହିଁ

ଅସହ୍ୟ ତାତିରେ ଆଉଟୁପାଉଟୁ ହେଉଛନ୍ତି ରାଜ୍ୟବାସୀ । ପ୍ରଚଣ୍ଡ ଖରା ସାଙ୍ଗକୁ ଗୁଳୁଗୁଳିରେ ସନ୍ତୁଳି ହେଉଛନ୍ତି ଲୋକେ । ତେବେ ଏହି ତାତିରୁ ଆଗାମୀ ୫ ଦିନ ଯାଏଁ ତ୍ରାହି ମିଳିବନି ବୋଲି ପାଣିପାଗ ବିଭାଗ ଆକଳନ କରିଛି । ୫ ଦିନ ଯାଏଁ ରାଜ୍ୟରେ ଅଗ୍ନିବର୍ଷା ହେବା ସହ ତାତି ଅସହ୍ୟ ହେବ । ଅନେକ ସ୍ଥାନରେ ଦିନ ତାପମାତ୍ରା ୪ରୁ ୬ ଜିଗ୍ରୀ ଯାଏଁ ବଢିବା ସମ୍ଭାବନା ରହିଛି । ଏଥିପାଇଁ ୭ ଟି ଜିଲ୍ଲାକୁ ୟେଲୋ ୱାର୍ଣ୍ଣିଂ ମଧ୍ୟ ଜାରି କରାଯାଇଛି । ବାଲେଶ୍ୱର, ଖୋଦ୍ଧା, ଗଞ୍ଜାମ, ଗଜପତି, କେନ୍ଦ୍ରାପଡା, ଜଗତସିଂହପୁର ଓ ନୂଆପଡା ଜିଲ୍ଲାକୁ ସତର୍କତା ଜାରି ହୋଇଛି । ସେହିପରି ଗରମ ଓ ଗୁଳୁଗୁଳିରେ ହନ୍ତସନ୍ତ ହେବେ ୧୧ ଜିଲ୍ଲାବାସୀ । ସେହିପରି କଳାହାଣ୍ଡି, କନ୍ଧମାଳ, ଗଞ୍ଜାମ, ଗଜପତି ଓ ନୟାଗଡ ଭଳି ୫ ଜିଲ୍ଲାରେ ଘଡଘଡି ବିଜୁଳି ସହ କାଳବୈଶାଖୀ ବର୍ଷାର ସମ୍ଭାବନା ରହିଛି ।