ପ୍ରଚାର ମଇଦାନରେ ଭିକେ ପାଣ୍ଡିଆନ

ନିର୍ବାଚନୀ ପ୍ରଚାର ମଇଦାନରେ ତିନି ରାଜନୈତିକ ଦଳ । ଯୁଦ୍ଧ ପାଇଁ ବିଗୁଲ ବାଜି ସାରିଛି ଏବଂ ରଣକ୍ଷେତ୍ର ପ୍ରସ୍ତୁତ ହୋଇ ରହିଛି ଏହାରି ଭିତରେ ଜୋର ଜମୁଛି ଶାସକ ଦଳ ତଥା ବିଜୁ ଜନତା ଦଳର ପ୍ରଚାର । ବିଜେଡିର ପ୍ରଥମ ଷ୍ଟାର ପ୍ରଚାରକ ମୁଖ୍ୟମନ୍ତ୍ରୀ ନବୀନ ପଟ୍ଟନାୟ ବୁଧବାର ହିଞ୍ଜିଳିରୁ ନିଜର ପ୍ରଚାର ଆରମ୍ଭ କରିଛନ୍ତି । ଏହାପରେ ଦ୍ୱିତୀୟରେ ଥିବା ଭିକେ ପାଣ୍ଡିଆନ ଦଳ ପାଇଁ ପ୍ରଚାର ଆରମ୍ଭ କରିଦେଲେଣି । କୋରାପୁଟ ଗସ୍ତରେ ଭି.କେ ପାଣ୍ଡିଆନ୍ । ଜିଲ୍ଲାର ବିଭିନ୍ନ ସ୍ଥାନରେ ଜନସଭାକୁ ସମ୍ବୋଧନ କରିବାର କାର୍ଯ୍ୟକ୍ରମ ରହିଛି । ପ୍ରଥମେ ସେମିଳିଗୁଡ଼ାରେ ପହଞ୍ଚିଛନ୍ତି ପାଣ୍ଡିଆନ୍ । ସେଠାରେ ଉପସ୍ଥିତ ଜନସାଧାରଣଙ୍କୁ ସମ୍ବୋଧିତ କରିବେ । ସେମିଳିଗୁଡ଼ା ପରେ ଲକ୍ଷ୍ମୀପୁର ଗସ୍ତ କରିବେ । ସେଠାରେ ମଧ୍ୟ ଜନସଭାରେ ଉଦବୋଧନ ଦେବେ । ଏହାପରେ ଅପରାହ୍ଣ ୩ଟାରେ ବିଷମକଟକରେ ଜନସଭାକୁ ସମ୍ବୋଧନ କରିବାର କାର୍ଯ୍ୟକ୍ରମ ରହିଛି ।