By ଦର୍ଶକବନ୍ଧୁ ରାଜ୍ୟ ରାଜନୀତିର ଜଣେ ଟାଣୁଆ ନେତା ହେଉଛନ୍ତି ଧାମନଗରର ପୂର୍ବତନ ବିଧାୟକ ବିଷ୍ଣୁ ସେଠୀଙ୍କ ପୁଅ ସୂର୍ଯ୍ୟବଂଶୀ ସୁରଜ । ଉପନିର୍ବାଚନ ଜରିଆରେ ବିଜେପି ଟିକେଟରେ ରାଜନୀତି ମଇଦାନରେ ପାଦ ଥାପିଥିଲେ ଏବଂ ଲୋକଙ୍କ ପ୍ରିୟ ହୋଇଥିଲେ । ପୁଣିଥରେ ଦଳ ତାଙ୍କ ଉପରେ ଭରସା କରି ଆଗାମୀ ନିର୍ବାଚନ ପାଇଁ ଧାମନଗରରୁ ତାଙ୍କୁ ଟିକେଟ ଦେଇଛି । ବିଜେପିର ଗଡ ହେଉଛି ଧାମନଗର ବିଧାନସଭା କ୍ଷେତ୍ର । ବାପାଙ୍କ ଅନ୍ତେ ପୁଅର ଗଡ ସାଜିଛି ଧାମନଗର । ହଁ ଦର୍ଶକବନ୍ଧୁ ପଦ୍ମ ଗଡରେ ଶଙ୍ଖ ଫୁଙ୍କିବା ପାଇଁ ଅଙ୍କ କଶୁଛି ବିଜେଡି । ସେଥିପାଇଁ ଧାମନଗରରେ ଏକ ନୂଆ ମୁହଁ ଦେଇଛି ବିଜେଡି । ଚର୍ଚ୍ଚା ହେଉଛି ସୂର୍ଯ୍ୟବଂଶୀଙ୍କ ହାତରୁ ଖସିପାରେ ତାଙ୍କର ଗଡ । କାହିଁକିନା ସେହି ନିର୍ବାଚନ ମଣ୍ଡଳୀକୁ ହାତେଇବା ପାଇଁ ବିଜେଡି କରୁଛି ମାଷ୍ଟର ପ୍ଲାନ । ଡକ୍ଟର ସଞ୍ଜୟ ଦାସଙ୍କୁ ପ୍ରାର୍ଥୀ କରିଛି ବିଜେଡି । ରାଜ୍ୟରେ ଯେଉଁଭଳି ବିଜେପି ବଢୁଛି ଏବଂ ବିଜେଡି ଛିଡୁଛି ସେଥିପାଇଁ ଭୟରେ ଧାମନଗର ନିର୍ବାଚନ ମଣ୍ଡଳୀକୁ ବିଜେପି ହାତରୁ ଖସେଇବା ପାଇଁ ପ୍ଲାନ କରୁଛି ଶାସକ ଦଳ । କମୁଛି ସୂର୍ଯ୍ୟବଂଶୀଙ୍କ କ୍ରେଜ ବିଜେଡି ମୁହାଁ ହେଉଛନ୍ତି ସୁରଜଙ୍କ ସମର୍ଥକ । ଏପରି ପରିସ୍ଥିତିରେ ହୁଏତ ସୁରଜଙ୍କ ପାଇଁ ନିର୍ବାଚନ ଜିତିବା ସହଜ ନ ହୋଇପାରେ । ବିଜେପିର ଜଣେ ଟାଣୁଆ ନେତା ହୋଇଥିଲେ ମଧ୍ୟ ଆଗାମୀ ସାଧାରଣ ନିର୍ବାଚନରେ କଣ ହେବ ସୁରଜଙ୍କ ରାଜନୈତିକ ଭବିଷ୍ୟତ ତାହା କେବଳ ଜୁନ 4ରେ ହିଁ ସ୍ପଷ୍ଟ ହୋଇପାରିବ ।
