ମୋଦିଙ୍କୁ ଦେଖିବାକୁ ଲୋକଙ୍କ ପ୍ରବଳ ଭିଡ

ଦୁଇଦିନିଆ ଓଡିଶା ଗସ୍ତରେ ଆସିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଭୁବନେଶ୍ୱରରେ ଗତକାଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରାଜ୍ୟ ବିଜେପି ପାର୍ଟି ଅଫିସଠାରୁ ବାଣୀବିହାର ପର୍ଯ୍ୟନ୍ତ ରୋଡ ସୋ କରିଛନ୍ତି । ସାଥିରେ ଥିଲେ ରାଜ୍ୟ ସଭାପତି ମନମୋହନ ସାମଲ ଏବଂ ଭୁବନେଶ୍ୱର ସାଂସଦ ପ୍ରାର୍ଥୀ ଅପରାଜିତା ଷଡଙ୍ଗୀ । ଜାତୀୟ ଗଣମାଧ୍ୟମକୁ ସାକ୍ଷାତକାର ଦେଇ ଦମ୍ଭୋକ୍ତି ପ୍ରକାଶ କରି ମୋଦି କହିଛନ୍ତି ଚଳିତ ନିର୍ବାଚନରେ ଓଡିଶା ଓ ପଶ୍ଚିମବଙ୍ଗରେ ଲୋକସଭା ନିର୍ବାଚନରେ କ୍ଲିନସୁଇପ କରିବ ବିଜେପି । ଓଡିଶାରେ ଲୋକଙ୍କ ମଧ୍ୟ ଏଥର ପ୍ରବଳ ଉତ୍ସାହ ଦେଖିବାକୁ ମିଳିଛି । ଲୋକଙ୍କ ମଧ୍ୟରେ ଏଭଳି ଉତ୍ସାହ ଓ ଉଦ୍ଦୀପନା କମ ଦେଖିବାକୁ ମିଳିଥାଏ । ସେହିପରି ମୋଦୀ ଇଣ୍ଟରଭ୍ୟୁରେ ବିଭିନ୍ନ ପ୍ରସଙ୍ଗରେ ମତ ରଖି କଂଗ୍ରେସକୁ ଟାର୍ଗେଟ କରିଛନ୍ତି । ଏଥିସହ ଜୁନ ୪ ତାରିଖରେ ଭାରତର ଇତିହାସରେ ବିଜେପି ଓ ଏନଡିଏର ବିପୁଳ ବିଜୟ ହେବ ବୋଲି ଜାତୀୟ ଗଣମାଧ୍ୟମକୁ ବୟାନ ଦେଇଛନ୍ତି ।