ବିଧାନସଭାରେ ନବୀନଙ୍କ ମାଇକ ବନ୍ଦ କଲା ବିଜେପି

ଆଜଠୁି ଆରମ୍ଭ ହୋଇଛି ରାଜ୍ୟରେ ସପ୍ତଦଶ ବିଧାନସଭାର ଅଧିବେଶନ । ପ୍ରଥମ ଥର ପାଇଁ ବିରୋଧୀ ଆସନରେ ବସିଥିବା ବିଜେଡି ଆଜି ବିଧାନସଭାରେ ଉତ୍ତର ଦେବା ବଦଳରେ ପ୍ରଶ୍ନ ଉଠାଇଛି । ଖୋଦ ବିରୋଧୀ ଦଳର ନେତା ନବୀନ ପଟ୍ଟନାୟକ ଆଜି ବିଧାନସଭାରେ ଶାସକ ଦଳକୁ ପ୍ରଶ୍ନ କରିଥିବା ସୂଚନା ମିଳିଛି । କିନ୍ତୁ ନବୀନ ଶାସକ ଦଳକୁ ପ୍ରଶ୍ନ କରିବା ସମୟରେ ତାଙ୍କ ମାଇକ କୁ ବନ୍ଦ କରିଦିଆଯାଇଥିବା ଏବଂ କ୍ୟାମେରା ବନ୍ଦ କରିଦିଆଯାଇଥିବା ଅଭିଯୋଗ ହୋଇଥିବା ଖବର ସାମ୍ନାକୁ ଆସିଛି । ଖୋଦ ବିରୋଧୀ ଦଳର ମୁଖ୍ୟ ସଚେତକ ପ୍ରମିଳା ମଲିକ ଗଣମାଧ୍ୟମ ଆଗରେ ଏହି ଅଭିଯୋଗ କରିଛନ୍ତି । ଏବଂ ନବୀନଙ୍କ ସ୍ୱରକୁ ମୋହନ ସରକାର ସାଧାରଣ ଜନତାଙ୍କ ଆଗରେ ନପହଁଞ୍ଚାଇବାକୁ ଚେଷ୍ଟା କରୁଥିବା ଅଭିଯୋଗ କରିଛନ୍ତି । ଏହା ସହ ମୋହନ ସରକାରଙ୍କ ଅପାରଗତାକୁ ନେଇ ବିଜେଡି ନେତାମାନେ ବର୍ଷିଥିବା ନଜର ଆସିଛି ।