ପୁଣି ଖସିବ ବିଜେଡିର ରାଜ୍ୟସଭା ୱିକେଟ !

ପୁଣି ଖସିବ କି ବିଜେଡିର ରାଜ୍ୟସଭା ୱିକେଟ ? ମମତା-ସୁଜିତଙ୍କ ପରେ କାହାର ପଡିବ ପାଳି ? ବିଜେଡି ସାଂସଦ ସୁଜିତ କୁମାର ଦଳ ଛାଡି ବିଜେପିରେ ଯୋଗ ଦେବା ପରେ ଆଉ କେଉଁ ସାଂସଦ ବିଜେପିକୁ ଆସିବେ? ରାଜନୈତିକ ମଇଦାନରେ ତୃତୀୟ ୱିକେଟ କେବେ ପଡିବ ଏବଂ କାହାର ଏହି ୱିକେଟ ହେବ ତାକୁ ନେଇ ଚର୍ଚ୍ଚା ଜୋରସୋରରେ ଚାଲିଛି । କାରଣ ଜଣଙ୍କ ପରେ ଜଣେ ବିଜେଡି ରାଜ୍ୟସଭା ସାଂସଦ ଶଙ୍ଖ ଛାଡି ପଦ୍ମ ଧରିବାରେ ଲାଗିଛନ୍ତି । ନିର୍ବାଚନରେ ପରାଜିତ ହେବା ପରେ ଦଳରେ କୋଣଠେସା ଅଭିଯୋଗ ଆଣି ଏମାନେ ବିଜେପି ଶିବିରକୁ ଡିଆଁ ମାରୁଛନ୍ତି । ଏବଂ ଚାହୁଁ ଚାହୁଁ ବିଜେଡିର ରାଜ୍ୟସଭା ସାଂସଦ ୯ରୁ ୭ କୁ ଖସିଆସିଲାଣି । କିନ୍ତୁ ଏତିକିରେ ବ୍ରେକ ଲାଗୁନି । ଏମାନଙ୍କ ପରେ ଆଉ ଦୁଇ ଜଣ ବିଜେଡି ରାଜ୍ୟସଭା ସାଂସଦ ବିଜେପି ଲିଙ୍କରେ ଥିବା ଏବଂ ବିଜେଡି ଛାଡିବା ଲାଇନରେ ରହିଥିବା ରାଜନୈତିକ ମହଲରେ ଖୁବ ଚର୍ଚ୍ଚା । କିନ୍ତୁ ସେମାନେ ପଶ୍ଚିମ ନା ଉପକୂଳ ଓଡିଶାର ତାକୁ ନେଇ ସସପେନ୍ସ ଲାଗି ରହିଛି ।