By ବିଜେଡିର ଥାର୍ଡ ଇନ କମାଣ୍ଡ ଅର୍ଥାତ ବବି ଦାସ ଜଣେ କର୍ମୀଙ୍କ ଗାଲରେ ହାତ ଦେଇଥିବା ଦେଖିବାକୁ ମିଳିଛି . ଆଉ କିଛି କର୍ମୀ ମାନେ ମଧ୍ୟ ସେଠାରେ ତାଙ୍କୁ ଘେରି ରହିଛନ୍ତି .ଯାହାକୁ ଦେଖିବା ପରେ ସମସ୍ତେ କହୁଛନ୍ତି ଶଙ୍ଖଭବନରେ ଏବେବି ବିବିଙ୍କ ଦବଦବା ରହିଛି . ତେବେ ଘଟଣାଟି କଣ ?କାହିଁକି ପ୍ରଣବ ଏହି କର୍ମୀଙ୍କ ଗାଲକୁ ଚିପି ଧରିଛନ୍ତି ?
ତେବେ ନିର୍ବାଚନ ପରେ ଥମିବାରେ ନାଁ ଧରୁନି ବିଜେଡିର କଳି . ନିର୍ବାଚନରେ ହାରିବା ପରେ ଯେମିତି ଦଳର ସବୁ ସଦସ୍ୟ ମନ ଭାଙ୍ଗିଯାଇଛି . ଯେଉଁଠି ଦିନେ ପାଟିରୁ କଥା ବାହୁରୁନଥିଲା ସେଠାରେ ଆଜି ପାଟିଗୋଳ ଲାଗୁଛନ୍ତି .ଯାହାକୁ ନେଇ ଏବେ ବିଜେଡି ଭିତରେ ପରସ୍ପର ମଧ୍ୟରେ କଥା କଟାକଟି ଦେଖିବାକୁ ମିଳୁଛି .
ବିଜେଡି କଳି ଦାଣ୍ଡରେ ପଡ଼ିହାଟରେ ଗଡ଼ୁଛି .ଏହାଭିତରେ ଭଦ୍ରକରେ ଗୋଷ୍ଠୀ କନ୍ଦଳ ଲାଗିରହିଥିବା ବେଳେ ଏବେ ଏହା ଶଙ୍ଖଭନରେ ପହିଂଥିଲା . ଶଙ୍ଖଭବନରେ ଭଦ୍ରକ ଜିଲ୍ଲା ସମୀକ୍ଷା ବେଅଠକରେ ଦୁଇ ଗୋଷ୍ଠୀ ମୁହଁମୁହିଁ ହୋଇଥିଲେ . କଥା ଆଗକୁ ବଢ଼ିବା ପୁର୍ବରୁ ସେମାନଙ୍କୁ ବୁଝାଇଥିଲେ ବବି ଦାସ . ଏହା ହେଉଛି ସେହି ସମୟର ଫଟୋ ଯେତେବେଳେ ବବି କର୍ମୀ ମାନଙ୍କୁ ବୁଝାଉଥିଲେ .ଆଉ ତାଙ୍କ ଗାଲରେ ହାତ ରଖିଥିଲେ . ଯାହା ବର୍ତମାନ ଭାଇରାଲ ହେବାରେ ଲାଗିଛି .
ତେବେ ନିର୍ବାଚନ ପରେ ଅଧିକ ତତ୍ପର ହୋଇଉଠିଛନ୍ତି ବିଜେଡି ସୁପ୍ରିମୋ ନବୀନ . ଦଳକୁ ତୃଣମୂଳ ସ୍ତରରୁ ମଜବୁତ କରିବା ପାଇଁ ଜାରି ରଖିଛନ୍ତି ପ୍ରୟାସ .ଶଙ୍ଖଭବନ ହେଉକି ନବୀନ ନିବାସ ଚାଲିଛି ଘନ ଘନ ବୈଠକ . ଏହାରି ଭିତରେ ବିଜେଡିର ପଦଯାତ୍ରା କାର୍ଯ୍ୟକ୍ରମ ଆରମ୍ଭ ହୋଇଛି .
