ପୁଣି ନବୀନଙ୍କ ରାସ୍ତାରେ ମୋହନ ! ଦଶହରାରେ ଜମିବ ରାଜନୀତିର ମାହୋଲ

ଏଥର ଦଶହରାରେ ଜମିବ ରାଜନୀତିର ମାହୋଲ । ମଣ୍ଡପ ବୁଲି ଲୋକଙ୍କୁ ନିଜ ଆଡକୁ ଟାଣିବେ ଉଭୟ ବିଜେଡି ଏବଂ ବିଜେପି । ବିରୋଧୀ ଆସନରେ ବସିବା ଦିନଠାରୁ ବିଜେଡି ସୁପ୍ରିମୋ ନବୀନ ପଟ୍ଟନାୟକ ଭିନ୍ନ ଭିନ୍ନ ରଣନୀତି ଆପଣାଇ ରାଜ୍ୟବାସୀଙ୍କ ନିକଟତର ହେବାକୁ ଚେଷ୍ଟା ଚଳାଇଛନ୍ତି । ଯାହାର ଝଲକ ଗଣେଶ ପୂଜାରୁ ଦେଖିବାକୁ ମିଳିଛିା ନବୀନ ପଟ୍ଟନାୟକ ପ୍ରଥମ ଥର ଗଣେଶ ପୂଜା ପେଣ୍ଡାଲ ବୁଲିବା ସହ ଲୋକଙ୍କୁ ଅତି ନିକଟରୁ ଭେଟି ଥିବାରୁ ଏହାକୁ ସାଧାରଣ ଲୋକେ ବେଶ୍ ପସନ୍ଦ କରିଥିଲେ । ଏବଂ ହାରିବା ପରେ ବି ନବୀନ ପଟ୍ଟନାୟକଙ୍କ ଲୋକପ୍ରିୟତା ଆହୁରି ବଢିଯାଇଥିବା ଏଥିରୁ ପ୍ରମାଣିତ ହୋଇଥିଲା । ଏବଂ ଆଉ ଏବେ ଦଶହରାରେ ମଧ୍ୟ ସମାନ ଦୃଶ୍ୟ ଦେଖିବାକୁ ମିଳିବ । ନବୀନ ଦଶହରା ପେଣ୍ଡାଲ ବୁଲିବା ସହ ଲୋକଙ୍କୁ ପୁଣି ଭେଟିବାର କାଯ୍ୟକ୍ରମ ରହିଛି । ସେପଟେ ନବୀନଙ୍କ ଏହି ରଣନୀତିକୁ ମୋହନ ମାଝୀ ମଧ୍ୟ ଆପଣାଇଛନ୍ତି । ନବୀନଙ୍କ ପରି ସେ ମଧ୍ୟ ଦଶହରାରେ ପୂଜା ପେଣ୍ଡାଲ ବୁଲିବେ ଏବଂ ଲୋକଙ୍କୁ ଭେଟିବେ ବୋଲି ସ୍ପଷ୍ଟ ହୋଇଛି । ଯେଉଁଥିରୁ ମୋହନ ପୁଣି ନବୀନଙ୍କୁ କପି କରିଥିବା ସ୍ପଷ୍ଟ ହେଉଛି । ତେବେ ଦେଖାଯାଉ ଦଶହରାରେ ରାଜନୀତିର ମାହୋଲ କେତେ ଉଷ୍ମ ହେଉଛି ଏବଂ କାହା ଆଡକୁ ସାଧାରଣ ଜନତା ଅଧିକ ଆକର୍ଷିତ ହେଉଛନ୍ତି ତାହା ଦେଖିବାକୁ ଅପେକ୍ଷା ।