ନବୀନଙ୍କୁ ପ୍ରଶ୍ନ କଲେ…ମୌକା ଦେଖି ଛକା ମାରିଲେ ଶ୍ରୀମୟୀ !

ନାରୀଙ୍କ ସୁରକ୍ଷା ଉପରେ ଉଠାଇଲେ ପ୍ରଶ୍ନ । ବିଜେଡି ସୁପ୍ରିମୋଙ୍କୁ ଦୋଛକିରେ ପକାଇଦେଲେ ବିଜେଡି ନେତ୍ରୀ ଶ୍ରୀମୟୀ ମିଶ୍ର । ଦୀର୍ଘ ଦିନର ବ୍ୟବଧାନ ପରେ ପୁଣିଥରେ ରାଜନୀତିକୁ କମବ୍ୟାକ କରିଛନ୍ତି ଶ୍ରୀମୟୀ । ରାଜନୀତିରେ ଏଣ୍ଟ୍ରି କଲେ ମୌକା ଦେଖି ଚଉକା ମାରିଲେ ଶ୍ରୀମୟୀ । ହଁ ଦର୍ଶକବନ୍ଧୁ ଏକଥା ଆମେ କାହିଁ କହୁଛୁ ଆପଣମାନେ ତ ନିଶ୍ଚୟ ବୁଝି ପାରୁଥିବେ । ବିଜେଡି ନେତ୍ରୀ ଶ୍ରୀମୟୀ ମିଶ୍ର ମୁହଁ ଖୋଲିବା ପରେ ତାଙ୍କୁ ନେଇ ତେଜିବାରେ ଲାଗିଛି ଅନେକ ବିବାଦ । ଚର୍ଚ୍ଚା ହେଉଛି ଆଗ୍ରେସିଭ ମୁଡରେ ଥିବା ଶ୍ରୀମୟୀ ଏବେ ନିଜର ଟିକେଟ କଟିବାର ପ୍ରତିଶୋଧ ନେଉଛନ୍ତି । ପ୍ରଥମେ ଖୋର୍ଦ୍ଧା ଜିଲ୍ଲାର ସମୀକ୍ଷା ବୈଠକ ସମୟରେ ଶଙ୍ଖଭବନରେ ମୁହାଁମୁହିଁ ହୋଇଥିଲେ ବେଗୁନିଆ ବିଧାୟକ ପ୍ରଦୀପ ସାହୁ ଓ ଶ୍ରୀମୟୀ ମିଶ୍ର କିନ୍ତୁ ଦଳର ପୁରୁଖା ନେତାଙ୍କ ହସ୍ତକ୍ଷେପରେ ଏହି ଘଟଣାକୁ ଦବାଇ ଦିଆଯାଇଥିଲା । ହେଲେ ଗଣମାଧ୍ୟମ ଆଗରେ ସୁର ଯେଉଁଭଳି ଭାବେ ଶ୍ରୀମୟୀଙ୍କୁ ଟାର୍ଗେଟ କଲେ ଏହାପରେ ମୁହଁ ଖୋଲିଥିଲେ ଶ୍ରୀମୟୀ ଅପା । ସେବେଠାରୁ ରାଜ୍ୟରେ ଏବେ ବେଶ ଚର୍ଚ୍ଚା ହେଉଛି ସୁର-ଶ୍ରୀମୟୀ କଳି । ନା ନନେଇ ସୁରଙ୍କୁ ବହେ ଶୁଣାଇଲେ । ସୋସିଆଲ ମିଡିଆ ପେଜରେ ବର୍ଷୀୟାନ ନେତା ସୁର ରାଉତରାୟଙ୍କ ଘର କଳି କଥାକୁ ବି ପଦାରେ ପକାଇଦେଲେ । ନାରୀ ଏବେ କେତେ ସୁରକ୍ଷିତ ପ୍ରଶ୍ନ କଲେ । ଶ୍ରୀମୟୀଙ୍କ ଏହି ପ୍ରଶ୍ନ  ଏବେ ରାଜ୍ୟ ରାଜନୀତିକୁ ଚର୍ଚ୍ଚାକୁ ଟାଣିଛି ପରୋକ୍ଷ ଭାବେ ରାଜ୍ୟ ସରକାର ନୁହଁ ବରଂ ବିଜେଡି ମୁଖିଆକୁ ନାରୀ ସୁରକ୍ଷା ନେଇ ପ୍ରଶ୍ନ କରିଛନ୍ତି ଶ୍ରୀମୟୀ ଅପା । ନିଜର ସମ୍ମାନ ପାଇଁ ଏକାକୀ ଲଢୁଥିବା ଶ୍ରୀମୟୀଙ୍କ ହାତ ଛାଡିଦେଇଛନ୍ତି ବିଜେଡି ସୁପ୍ରିମୋ । ଏଭଳି ଅନେକ ଚର୍ଚ୍ଚା ଏବେ ଗଣମାଧ୍ୟମରେ ଚାଲିଥିବା ବେଳେ ପରୋକ୍ଷ ଭାବେ ଶଙ୍ଖପତିଙ୍କୁ ଶ୍ରୀମୟୀ ଯେଉଁ ପ୍ରଶ୍ନ କରିଛନ୍ତି ତାର ଉତ୍ତର କେବେ ଦେଉଛନ୍ତି ନବୀନ ବାବୁ ତାହା ଦେଖିବାକୁ ଅପେକ୍ଷା ।