By କଥାରେ ଅଛି ନିଆଁ ଥିଲେ ଧୂଆଁଥାଏ . ତେବେ ବିଗତ କିଛି ଦିନ ହେବ ବିଜେଡିର ଭିତିରି କଳି ହଟରେ ପଡ଼ିବାଟରେ ଗଡ଼ୁଛି . ବିଭନ୍ନ ସମୟରେ ଦଳୀୟ କର୍ମୀ ମାନେ ଶଙ୍ଖଭବନ ହେଉକି ସଭା ନିଜର ରାଗ ଝାଡୁଥିବା ନଜର ଆସିଛନ୍ତି . ଏହାକୁ ଦେଖିବା ପରେ ଲୋକେ କହୁଛନ୍ତି ବିଜେଡି ଭିତରେ ଅସନ୍ତୋଷର ନିଆଁ କୁହୁଳୁଛି . ଯାହା ବଡ଼ଚଣାରୁ କଟକ ଜଳ ଜଳ ହୋଇ ଦିଶୁଛି . କେଉଁଠି ନେତା ଖୋଲଖୋଲି ଇଙ୍ଗିତ କଲେଣିତ କେଉଁଠି ବରିଷ୍ଠ ନେତାମାନେ ଦଳର କାର୍ଯ୍ୟକ୍ରମରେ ଅନୁପସ୍ଥିତ ହେଲେଣି .
ତେବେ ନିର୍ବାଚନରେ ବିଜେଡିର ମହାବିପର୍ଯ୍ୟୟ ପରେ . ଏବେ ଦଳକୁ ସଜାଡିବା ପାଇଁ ସୁପ୍ରିମୋ ନବୀନ ପଟ୍ଟନାୟକ ଲାଗିପଡ଼ିଥିବା ବେଳେ . କ୍ଷମତାରେ ଥିବା ବେଳେ ପଦେ କଥା କହୁୂନଥିବା ନେତା ମାନେ ଏବେ ସଭା ସମିତିରେ ଗର୍ଜନ କରୁଛନ୍ତି . ତେବେ ଏହା ଭିତରେ ବଡ଼ଚଣାର ପୂର୍ବତନ ବିଧାୟକ ଅମରଶତପଥୀଙ୍କୁ ନେଇ ଚର୍ଚ୍ଚା ଆରମ୍ଭ ହୋଇଛି . କୁହାଯାଉି ଅମର ଶତପଥୀଙ୍କ ପରି ବରିଷ୍ଠ ନେତା ଦଳୀୟ କାର୍ଯ୍ୟକ୍ରମରେ ଯୋଗ ଦେଉନାହାଁନ୍ତି . ତେବେ ଯାଜପୁର ସଭ୍ୟ ସଂଗ୍ରହ କର୍ଯ୍ୟକ୍ରମରେ ଅନୁପସ୍ଥିତ ରହିଥିଲେ ବିଜେଡି ନେତା ଅମର ଶତପଥୀ .ପରେ ସେ କହିଥିଲେ ରାଜନୈତିକ କାର୍ଯ୍ୟକ୍ରମରୁ କିଛି ଦିନ ହେଲା ନିଜକୁ ସେ ଦୁରେଇ ରଖିଛନ୍ତି . ଯାହା ପରେ ଲୋକେ ଏହାକୁ ନେଇ ଅନେକ କଳ୍ପନା ଜଳ୍ପନା କରୁଛନ୍ତି .ଲୋକେ କହୁଛନ୍ତି ଦଳ ତାଙ୍କ ଅଣଦେଖା କରୁନାହଁତ ?
ତେବେ ବଡ଼ଚଣାରେ ଏଥର ଟିକଟ ବଂଟା ବେଳେ . ଛଅ ଥରର ବିଧାୟକ ଅମର ଶତପଥୀଙ୍କ ଜାଗରେ ଓଲିଉଓ ଅଭିନେତ୍ରୀ ବର୍ଷା ପ୍ରିୟଦର୍ଶିନୀଙ୍କୁ ବଡ଼ଚଣାଣୁ ପ୍ରାର୍ଥୀ କରିଥିଲା ଦଳ.ଫଳରେ ଅମର ଶତପଥୀ ଓ ଅନ୍ୟ ଆଶାୟୀ ମାନେ ନିରାଶହୋଇଥିଲା .
