By ହାତରେ ହାତ ମିଶାଇଲେ ବବି ଦାସ ଏବଂ ଡାନି ଘଡେଇ । ନିର୍ବାଚନ ପରେ ବଦଳିଗଲା ଏମାନଙ୍କ ରଣନୀତି । ହଁ ଆଜ୍ଞା, ଯାଜପୁରରେ ଯେଉଁ ଦୁଇ ନେତାଙ୍କ ଦବଦବା ଦୀର୍ଘ ଦଶନ୍ଧିରୁ ଚାଲିଆସିଛି ସେମାନେ ହେଉଛନ୍ତି ପୂର୍ବତନ ବିଜେଡି ବିଧାୟକ ପ୍ରଣବ ପ୍ରକାଶ ଦାସ ଓରଫ ବବି ଦାସ ଏବଂ ସୁକିନ୍ଦାର ପୂର୍ବତନ ବିଧାୟକ ପ୍ରୀତି ରଞ୍ଜନ ଘଡେଇ ଓରଫ ଡାନି । ଏ ଦୁଇ ଜଣ ନେତା ଦଶନ୍ଧି ଦଶନ୍ଧି ଧରି ଯାଜପୁରରେ ନିଜର କ୍ଷମତା ବିସ୍ତାର କରି ଆସୁଛନ୍ତି । କିନ୍ତୁ ୨୦୨୪ ନିର୍ବାଚନରେ ଏମାନେ ଶାସନ ଗାଦିରୁ ହଟିଯାଇଛନ୍ତି । ତେବେ ଏମାନଙ୍କ ଭିତରେ ପୂର୍ବରୁ ତୁତୁ ମେମେ ପରିସ୍ଥିତି ରହିଥିବା ଅନେକ ଖବର ସାମ୍ନାକୁ ଆସିଛି । ଏପରିକି ନବୀନ ନିବାସରେ ମଧ୍ୟ ଏମାନେ ବିଜେଡି ସୁପ୍ରିମୋଙ୍କ ଆଗରେ କଥା କଟାକଟି ହୋଇଥିବା ଖବର ସାମ୍ନାକୁ ଆସିଥିଲା । କିନ୍ତୁ ଶେଷବୁକୁ ଭୁଲି ଏବେ ଏହି ଦୁଇ ଜଣ ନେତା ହାତରେ ହାତ ମିଳାଇ ନୂଆ ରୂପରେ ଆସୁଥିବା ଚର୍ଚ୍ଚା ହେଉଛି । ଏପରିକି ଏହି ଦୁଇ ନେତାଙ୍କ ଭିଡିଓ ମଧ୍ୟ ଭାଇରାଲ ହେଉଛି । ଯେଉଁଥିରେ ଏମାନେ ଗୋଟିଏ ମଞ୍ଚରେ ନଜର ଆସିବା ସହ ବିଜେପି ବିରୁଦ୍ଧରେ ରଣହୁଙ୍କାର ଦେଉଥିବା ନଜର ଆସିଛନ୍ତି । ଖାଲ ଏଠାରେ ନୁହେଁ ବିଜେଡିର ସଦସ୍ୟତା ଗ୍ରହଣ ଅଭିଯାନ କାର୍ଯ୍ୟକ୍ରମରେ ମଧ୍ୟ ଏହି ଦୁଇ ଜଣ ନେତା ପାଖାପାଖି ବସିଥିବା ଦେଖିବାକୁ ମିଳିଛି । ଯାହାକୁ ନେଇ ଏମାନଙ୍କ ଭିତରେ ସଲାସୁତୁରା ସରିଥିବା ଏବେ ଦଶହରାରେ ଏମାନଙ୍କ ନୂଆ ରୂପ ସାମ୍ନାକୁ ଆସିବା ନେଇ ଆଶଙ୍କା କରାଯାଉଛିା ଅନ୍ୟପଟେ ହାରିବା ପରଠାରୁ ଏବଂ ବିରୋଧୀ ଆସନରେ ବସିବା ଦିନଠାରୁ ବିଜେଡି ନେତାମାନେ ଆଗ୍ରେସିଭ ମୋଡକୁ ଆସିଛନ୍ତି । କଥା କଥା କେ ବିଜେପି ଖାସ କରି ମୁଖ୍ୟମନ୍ତ୍ରୀ ମୋହନ ମାଝୀଙ୍କୁ ସମାଲୋଚନା କରୁଥିବା ବେଳଏ ତାଙ୍କୁ ୱାର୍ଣ୍ଣିଂ ମଧ୍ୟ ଦେଉଛନ୍ତିା ଆଉ ଏବେ ବବି ଦାସ ଏବଂ ଡାନି ଘଡେଇ ସାମିଲ ହୋଇ ବିଜେପି ବିରୁଦ୍ଧରେ ରଣହୁଙ୍କାର ଦେଇଛନ୍ତି । ତେବେ ଏମାନଙ୍କ ବନ୍ଧୁତା ବିଜେପିକୁ କେତେ ଭାରି ପଡୁଛି ଏବଂ କେଉଁ ନୂଆ ରଣନୀତି ନେଇ ଏମାନେ ମଇଦାନକୁ ଓହ୍ଲାଉଛନ୍ତି ତାହା ଦେଖିବାକୁ ଅପେକ୍ଷା ।
