By ପୁଣି ବାଜିଲା ନିର୍ବାଚନୀ ବିଗୁଲ । ଘୋଷଣା ହେଲା ଝାଡଖଣ୍ଡ ଏବଂ ମହାରାଷ୍ଟ୍ରର ବିଧାନସଭା ନିର୍ବାଚନ ତାରିଖ । ଏନେଇ ଘୋଷଣା କରିଛନ୍ତି ମୁଖ୍ୟ ନିର୍ବାଚନ ଅଧିକାରୀ । ତେବେ ଘୋଷଣା ଅନୁଯାୟୀ, ମହାରାଷ୍ଟ୍ରରେ ଗୋଟିଏ ପର୍ଯ୍ୟାୟରେ ମତଦାନ ଅନୁଷ୍ଠିତ ହେବ । ନଭେମ୍ବର ୨୦ରେ ମହାରାଷ୍ଟ୍ର ବିଧାନସଭା ନିର୍ବାଚନ ପାଇଁ ଭୋଟ ପଡିବ । ବେଂ ୨୮୮ଟି ଆସନ ପାଇଁ ଭୋଟର ଭୋଟ ଦେବେ । ତେବେ ସେଠାରେ ମୋଟ ୯.୬୩ ଲକ୍ଷ ଭୋଟର ଥିବା ବେଳେ ଫଳାଫଳ ଭୋଟ ପଡିବାର ୩ ଦିନ ପରେ ଅର୍ଥାତ ୨୩ ନଭେମ୍ବରରେ ବାହାରିବା ନେଇ ନିର୍ବାଚନ ଆୟୋଗ ସୂଚନା ଦେଇଛନ୍ତି ।
ସେହିପରି ଝାଡ଼ଖଣ୍ଡ ବିଧାନସଭା ନିର୍ବାଚନ ପାଇଁ ମଧ୍ୟ ତାରିଖ ଘୋଷଣା କରିଛନ୍ତି ନିର୍ବାଚନ ଆୟୋଗ । ଏଠାରେ ୧୩ ନଭେମ୍ବର ଓ ୨୦ ନଭେମ୍ବରରେ ମତଦାନ ହେବ । ଝାଡ଼ଖଣ୍ଡରେ ୨ଟି ପର୍ଯ୍ୟାୟରେ ମତଦାନ ହେବାକୁ ଯାଉଛି । ଏଠାରେ ମଧ୍ୟ ୨୩ ନଭେମ୍ବରରେ ନିର୍ବାଚନ ଫଳାଫଳ ଘୋଷଣା ହେବ ।
