By ଜରି ପାଲ ତଳେ ବିତୁଛି 4ପ୍ରାଣୀଙ୍କ ଜୀବନ, ଗୁହାରି ଶୁଣୁନି ପ୍ରଶାସନ !ସରକାର ଗରିବି ହଟାଇବାପାଇଁ ବିଭିନ୍ନ ଯୋଜନା କାର୍ଯ୍ୟକାରୀ କରୁଥିବାବେଳେ ପ୍ରକୃତ ହିତାଧିକାରୀ ଏହି ସବୁ ଯୋଜନାରୁ ବଞ୍ଚିତ ଅଛନ୍ତି, ଏହିଭଳି ଘଟଣା ଦେଖିବାକୁ ମିଳିଛି ଗଞ୍ଜାମ ଜିଲ୍ଲା ବୁଗୁଡ଼ା ବ୍ଲକ ଭଗବାନ ପୁର ପଞ୍ଚାୟତରେ | ସୂଚନା ଅନୁସାରେ ଏହିଗ୍ରାମର ଗୀତ ନାଇକଙ୍କ ପରିବାର ଦୀର୍ଘ ଦିନ ହେଲା ପଞ୍ଚାୟତ ଅଫିସ ପାର୍ଶ୍ଵରେ ଅତି ଦୟନୀୟ ଅବସ୍ଥାରେ ଜରି ପାଲ ତଳେ ରହିଆସୁଛନ୍ତି, ଆବାସ ପାଇଁ ପଞ୍ଜିକରଣ କରିଥିଲେ ମଧ୍ୟ ଆଜିପର୍ଯ୍ୟନ୍ତ କୌଣସି ସହାୟତା ମିଳିପାରିଲାନାହିଁ କି କୌଣସି ଅଧିକାରୀଙ୍କ ନଜର ମଧ୍ୟ ପଡୁନାହିଁ,
ତେବେ ମୁଲ ଲାଗି ପେଟକୁ ଦାନା ଯୋଗାଡ଼ କରୁଥିବାବେଳେ , ପ୍ରଶାସନିକ ଅଥିକାରୀଙ୍କ ନିକଟରେ ଗୁହାରି କଲେମଧ୍ୟ କେହି କିଛି ଶୁଣୁନଥିବାରୁ ଅତି ଦୁଃଖ କଷ୍ଟରେ ଜରିପାଲ ତଳେ ନିଜ ଭାଗ୍ୟ କୁ ଆଦରି ପଡିରହିଛନ୍ତି,ଏମିତିକି ପାନୀୟ ଜଳ ମଧ୍ୟ ଯୋଗାଇ ଦିଆଯାଇ ନାହିଁ,ଯଦି ବିଭାଗୀୟ ଅଧିକାରୀ ଏଥିପ୍ରତି ଦୃଷ୍ଟିଦିଅନ୍ତେ ତେବେ ଏହି ଅସହାୟ ପରିବାର ଦୁଃଖ ଦୂର ହୋଇପାରନ୍ତା !
