By ଝାଡଖଣ୍ଡରେ ଷ୍ଟାର ପ୍ରଚାରକ ମୋହନ
ଓଡିଶା ଜଗିବ ପଡିଶା ନିର୍ବାଚନ । ଆସନ୍ତା ନଭେମ୍ବର ୧୩ ଓ ୨୦ ତାରିଖରେ ଦୁଇଟି ପର୍ଯ୍ୟାୟରେ ରହିଛି ଝାଡ଼ଖଣ୍ଡ ବିଧାନସଭା ନିର୍ବାଚନ । ଓଡିଶାରେ ପ୍ରସ୍ତୁତ ହେଉଛି ଝାଡଖଣ୍ଡ ନିର୍ବାଚନର ବ୍ଲୁପ୍ରିଣ୍ଟ । ଝାଡଖଣ୍ଡ ନିର୍ବାଚନ ପାଇଁ ଗତକାଲି 40 ଜଣିଆ ଷ୍ଟାର ପ୍ରଚାରକ ତାଲିକା ଘୋଷଣା କରିଛି ଭାରତୀୟ ଜନତା ପାର୍ଟି । ଯେଉଁ ତାଲିକାରେ ସ୍ଥାନ ପାଇଛନ୍ତି ଓଡିଶା ମୁଖ୍ୟମନ୍ତ୍ରୀ । ଝାଡଖଣ୍ଡ ନିର୍ବାଚନରେ ଘମାଘୋଟ ପ୍ରଚାର କରିବେ ଓଡିଶାର ମୁଖ୍ୟମନ୍ତ୍ରୀ ମୋହନ ମାଝୀ । ତେବେ ମୋହନ ମାଝୀଙ୍କୁ କାହିଁକି ଷ୍ଟାର ପ୍ରଚାରକ ଲିଷ୍ଟରେ ସାମିଲ କରାଯାଇଛି ତା ପଛରେ ଅନେକ କାରଣ ଥିବା ଚର୍ଚ୍ଚା ହେଉଛି । ଝାଡ଼ଖଣ୍ଡ ହେଉଛି ଆଦିବାସୀ ବହୁଳ ରାଜ୍ୟ । ତେଣୁ ଆଦିବାସୀ ଭୋଟକୁ ନିଜ କବଜା ନେବା ପାଇଁ ଆଦିବାସୀ ଚେହେରା ମୋହନ ସାଝିବେ ସାରଥୀ । ଦୁଇ ସପ୍ତାହ ପୂର୍ବରୁ ଝାଡ଼ଖଣ୍ଡ ଯାଇ ବିଜେପି ପାଇଁ ପ୍ରଚାର କରିସାରିଛନ୍ତି । ବିଜେପି ପକ୍ଷରୁ ଜାରି ହୋଇଥିବା ଷ୍ଟାର ପ୍ରଚାର ତାଲିକା ଏକ ନମ୍ବରରେ ଅଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ଦ୍ବିତୀୟରେ ଅଛନ୍ତି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ତଥା କେନ୍ଦ୍ରମନ୍ତ୍ରୀ ଜେପି ନଡ୍ଡା ।
