ଭାଇରାଲ ହେଲା ଅଡିଓ ଟାର୍ଗେଟରେ ବାହୁବଳୀ !

ବାହୁବଳୀ ସାଂସଦଙ୍କୁ ଲରେନ୍ସ ଗ୍ୟାଙ୍ଗର ଧମକ

ବାବା ସିଦ୍ଧିକଙ୍କ ପରେ ବିହାର ଏମପିଙ୍କ ପାଳି !

ସୋସିଆଲ ମିଡିଆରେ ଭାଇରାଲ ହେଲା ଅଡିଓ

କହିଲେ ସୁଧୁରିଯାଓ ନହେଲେ କଞ୍ଚା ଚୋବାଇଦେବି

ଦଶହରାରେ ବାବା ସିଦ୍ଧିକଙ୍କୁ ଗୁଳି କରି ହତ୍ୟା ପରେ ଲରେନ୍ସ ଗ୍ୟାଙ୍ଗକୁ ନେଇ ଚହଳ ପଡିଥିଲା । ବଲିଉଡ ଅଭିନେତା ସଲମନ ଖାନଙ୍କ ସୀକୃରିଟି ବଢାଯାଇଥିବା ବେଳେ ଲରେନ୍ସ ଗ୍ୟାଙ୍ଗର ଜଣେ ଗ୍ୟାଙ୍ଗଷ୍ଟାରଙ୍କୁ ଗିରଫ କରାଯାଇଥିଲା । ଆଉ ଏବେ ଲରେନ୍ସ ଗ୍ୟାଙ୍ଗର ଟାର୍ଗେଟରେ ବିହାର ସାଂସଦ ପପୁ ଯାଦବ । ହଁ ଆଜ୍ଞା ସାଂସଦ ଓ ଲରେନ୍ସ ଗ୍ୟାଙ୍ଗ ମଧ୍ୟରେ ହୋଇଥିବା କଥା କଟାକଟିର ଅଡିଓ ଏବେ ଭାଇରାଲ ହେବାରେ ଲାଗିଛି । ଗତକାଲି ସାଂସଦ ପପୁ ଯାଦବଙ୍କୁ ୱାଟସଅପରେ ଏକ ଫୋନ କଲ ଆସିଥିଲା ଆଉ ନିଜକୁ ଲରେନ୍ସ ଗ୍ୟାଙ୍ଗର ସଦସ୍ୟ କହିବା ସହିତ ଧମକ ମିଳିଥିଲା । ଯାହାର ଅଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହି ଅଡିଓଟିରେ ଲରେନ୍ସ ଗ୍ୟାଙ୍ଗର ସଦସ୍ୟ ଜଣଙ୍କ କହିଛନ୍ତି କି ପପୁଙ୍କ ଘରେ ଉପରେ ଲରେନ୍ସ ଗ୍ୟାଙ୍ଗର କଡା ନଜର ରଖାଯାଇଛି । ତେବେ ଗୁରୁତ୍ୱପୂର୍ଣ୍ଣ କଥା ହେଲା ବାବା ସିଦ୍ଧିକଙ୍କ ହତ୍ୟା ପରେ ପପୁ ଯାଦବ ନିଜ ସୋସିଆଲ ମିଡିଆରେ ଲରେନ୍ସ ଗ୍ୟାଙ୍ଗକୁ ଟାର୍ଗେଟ କରି ଲେଖିଥିଲେ । ଏଭଳି ହତ୍ୟାକାଣ୍ଡ ଲଜ୍ଜାଜନକ ଅଟେ । ଯଦି ଆଇନ ଅନୁମତି ଦେବେ ଲରେନ୍ସ ଭଳି ଦୁଇ ଟଙ୍କିଆ ଗ୍ୟାଙ୍ଗକୁ ସମାପ୍ତ କରିଦେବି । ପପୁଙ୍କ ଏଭଳି ବୟାନ ପରେ ଏବେ ଲରେନ୍ସ ଗ୍ୟାଙ୍ଗର ଟାର୍ଗେଟରେ ବିହାରର ବାହୁବଳୀ ଏମପି ପପୁ ୟାଦବ । ୱାଟସଅପ ମାଧ୍ୟମରେ କଲ କରି ପପୁଙ୍କୁ ଲରେନ୍ସ ଗ୍ୟାଙ୍ଗ ଏଭଳି ଧମକ ଦେଇଛନ୍ତି । ଖାଲି ସେତିକି ନୁହେଁ ବରଂ ଜେଲରେ ଥିବା ସମୟରେ ଲରେନ୍ସ ଗ୍ୟାଙ୍ଗ ପପୁଙ୍କ ସହ କଥା ହେବା ପାଇଁ ଚାହୁଁଥିଲା କିନ୍ତୁ ଫୋନ ଉଠାଇନଥିଲେ ପପୁ ୟାଦବ। ଆଉ ଏହାପରେ ଏବେ ଭାଇରାଲ ହେଉଥିବା ଅଡିଓଟି ସାମ୍ନାକୁ ଆସିଛି ।