ଗଛରେ ବାଡ଼େଇ ହେଲା କାର

କନ୍ଧମାଳ ଜିଲ୍ଲା ଟିକାବାଲି ଥାନ ଅଧିନସ୍ଥ ଡୁଙ୍ଗିଗ୍ରାମ ଠାରେ ସଡ଼କ ଦୁର୍ଘଟଣା | ଜଣଙ୍କ ମୃତ୍ୟୁ ଘଟିଥିବା ବେଳେ ଜଣେ ଗୁରୁତର ଆହାତ ହୋଇଛନ୍ତି। ମୃତକ ହେଲେ ଗଞ୍ଜାମ ଜିଲ୍ଲା ବେଲଗୁଣ୍ଠା ବ୍ଲକ ଅନ୍ତର୍ଗତ ତନରଡା ଗ୍ରାମର ଶୁଭେନ୍ଦୁ ସ୍ୱାଇଁ (୨୫) ଓ ଗୁରୁତର ଜଣକ ହେଲେ ଭଞ୍ଜନଗର ଅଞ୍ଚଳର ମିଲନ ପାଢ଼ୀ (୨୪) | ଉଭୟ ଏକ କାର ଯୋଗେ ଟିକାବାଲି ଅଭିମୁଖେ ଯାଉଥିବା ବେଳେ ଗତ ପ୍ରାୟ ୧୨.୩୦ ସମୟରେ ଭାରସାମ୍ୟ ହରାଇ ଦୁର୍ଘଟଣା ଗ୍ରସ୍ତ ହୋଇଥିଲା । ଦୁର୍ଘଟଣା ଖବରପାଇ ଟିକାବାଲି ଅଗ୍ନିଶମ କର୍ମଚାରୀ, ହିୟୁମାନିଟି ସଦସ୍ୟ, ଏବଂ ୧୦୮ ଆମ୍ବୁଲାନ୍ସ କର୍ମଚାରୀ ମିଳିତ ଭାବେ ଘଟଣା ସ୍ଥଳରେ ପହଞ୍ଚି ଗୁରୁତର ଅବସ୍ଥାରେ ଉଭୟଙ୍କୁ ଟିକାବାଲି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ଆଣିଥିଲେ । ହେଲେ ଡାକ୍ତର ଶୁଭେନ୍ଦୁଙ୍କୁ ମୃତ ଘୋଷଣା କରିଥିଲେ। ବର୍ତ୍ତମାନ ମୃତ ଦେହ ଟିକାବାଲି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ରଖା ଯାଇ ଘଟଣାର ତଦନ୍ତ ଚାଲିଥିବା ପୋଲିସ ସୂତ୍ରରୁ ପ୍ରକାଶ