ବିମାନ ବାତିଲକୁ ନେଇ ଧାରଣାରେ ଯାତ୍ରୀ

ବାରମ୍ବାର ବିମାନ ବନ୍ଦରକୁ ଆସୁଛି ବୋମା ଧମକ । ବିମାନରେ ବୋମା ଥିବା ଏକ ଫ୍ରଡ କଲ୍ ଆସିବା ପରେ ବିମାନ ଚଳାଚଳ ବାଧାପ୍ରାପ୍ତ ହେଉଛି । ଯାତ୍ରୀଙ୍କ ମନରେ ମଧ୍ୟ ଆତଙ୍କ ଖେଳିଯାଉଛି । ତେବେ ପୂବରୁ ବାହାର ରାଜ୍ୟରେ ବିମାନଗୁଡିକୁ ବୋମା ଧମକ ମିଳିଥିବା ଖବର ସାମ୍ନାକୁ ଆସିବା ପରେ ଏବେ ଭୂବନେଶ୍ୱର ବିମାନ ବନ୍ଦରକୁ ମଧ୍ୟ ବାରମ୍ବାର ଏହି ଧମକ ଆସୁଛିା ଏବଂ ବୋମା ଆତଙ୍କରେ ବିମାନଗୁଡିକ ବାତିଲ କରାଯାଉଛି । ଯାହାକୁ ନେଇ ଏବେ ଯାତ୍ରୀମାନେ ଅସନ୍ତୋଷ ପ୍ରକାଶ କରିବା ସହ ଧାରଣା ଦେଇଛନ୍ତି । ଯାତ୍ରୀମାନେ ବିମାନବନ୍ଦର ୬ ନମ୍ବର ଗେଟ୍ରେ ହୋହଲ୍ଲା କରିବା ସହ ଧାରଣାରେ ବସିଛନ୍ତି। ଏହି ଘଟଣା ପରେ ଗାର୍ଡମାନେ ପହଞ୍ଚି ଯାତ୍ରୀମାନଙ୍କୁ ବୁଝାସୁଝା କରୁଥିବା ଜଣାଯାଇଛି। ଅନ୍ୟ ପକ୍ଷରେ ଯାତ୍ରୀମାନେ ସେମାନଙ୍କ ଗନ୍ତବ୍ୟସ୍ଥଳକୁ ଯିବାପାଇଁ ବିମାନ ସେବା ଯୋଗାଇ ଦିଆଯାଉ ବୋଲି ଅଡ଼ି ବସିଛନ୍ତି।