By ଗୋଚାଲାଣକାରୀଙ୍କୁ ଧରିବାକୁ ଯାଇଥିବାବେଳେ ପୋଲିସ୍ ଗାଡିକୁ ଧକ୍କା ଦେଇ ପୋଲିସ୍ ଟିମକୁ ଜୀବନରୁ ମାରି ଦେବାକୁ ଉଦ୍ଯମ କରିଥୀଲେ ଗୋରୁ ମାଫିଆ । ପ୍ରେସ୍ ମିଟ୍ ମାଧ୍ଯମରେ ସୁଚନା ଦେଇଛନ୍ତି ଆନନ୍ଦପୁର ଏସଡିପିଓ । ଗୁରୁବାର ରାତିରେ ଆନନ୍ଦପୁର ଅଞ୍ଚଳ ଦେଇ ମୟୁରଭଞ୍ଜ ଜିଲ୍ଲାକୁ ଗୋଚାଲାଣ ସମୟରେ ପୋଲିସ୍ ଗୋରୁ ବୋଝେଇ ଟ୍ରକ ଗୁଡିକୁ ପିଛା କରୁଥିବା ଜାଣିପାରି ପୋଲିସ୍ ଗାଡିକୁ ଟ୍ରକ୍ ଯୋଗେ ଧକ୍କା ଦେଇଥିଲେ ଗୋରୁ ମାଫିଆ । ଏଥିରେ ପୋଲିସ ବୋଲେରୋ ଗାଡିର ଆଗପାର୍ଶ୍ବ କ୍ଷତିଗ୍ରସ୍ତ ହୋଇଛି | ହେଲେ ମାଫିଆଙ୍କୁ ସାମ୍ନାକରି ୨ଟି ଟ୍ରକ୍ ସହ ୨ଟି ପିକପ୍ ଭ୍ଯାନ୍ ଜବତ କରିଛି ପୋଲିସ । ସେଥିରେ ଥିବା ୧୪୦ରୁ ଉର୍ଦ୍ଧ ଗୋରୁଙ୍କୁ ଉଦ୍ଧାର କରିବାପରେ ବାଲେଶ୍ବର ଓ କେନ୍ଦୁଝର ଗୋଶାଳାକୁ ଗୋରୁ ମାନଙ୍କୁ ପଠାଯାଇଛି । ଏଥିସହ ୧୧ଜଣ ଗୋରୁ ମାଫିଆଙ୍କୁ ଗିରଫ କରିଛି ପୋଲିସ୍ । ସେମାନଙ୍କ ନିକଟରୁ ନଗଦ ୧୦ ହଜାର ଟଙ୍କା ଓ ୧୧ଗୋଟି ମୋବାଲ୍ ଫୋନ୍ ଜବଦ କରିଛି । ସେମାନଙ୍କ ବିରୁଦ୍ଧରେ ଦୁଇଟି ମାମଲା ରୁଜୁ ହୋଈଛି। ଆଗକୁ ଗୋଚାଲାଣକାରୀଙ୍କ ଉପରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ ହେବାକୁଥିବା ଏସଡିପିଓ କହିଛନ୍ତି ।
