ଗଡ଼ିଲା ଶ୍ରୀ ଜଗନ୍ନାଥ ଏକ୍ସପ୍ରେସ

ଓଡ଼ିଶା ରାଜ୍ୟ ସଡ଼କ ପରିବହନ ନିଗମ ତରଫରୁ ଗଞ୍ଜାମ ଜିଲ୍ଲା ଭଞ୍ଜନଗର ଠାରୁ ସୀମାଞ୍ଚଳ ଅଭିମୁଖେ ଶ୍ରୀ ଜଗନ୍ନାଥ ଏକ୍ସପ୍ରେସ ଭଲବୋ ବସ ସେବା ଆରମ୍ଭ ହୋଇଛି । ଏହି ଅବସରରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଭଞ୍ଜନଗର ବିଧାୟକ ପ୍ରଦ୍ୟୁମ୍ନ କୁମାର ନାୟକ ସବୁଜ ପତାକା ଦେଖାଇ ଏହାର ଶୁଭାରମ୍ଭ କରିଥିଲେ । ଏଥିରେ ଯାତ୍ରୀମାନଙ୍କ ପାଇଁ ଏସି ସମେତ ସମସ୍ତ ଅତ୍ୟାଧୁନିକ ସୁବିଧା ରହିଛି।ପୁରୁଷ ମାନଙ୍କ ପାଇଁ ଟିକଟର ମୂଲ୍ୟ ୭୭୮ଟଙ୍କା ଓ ମହିଳା ଯାତ୍ରୀଙ୍କ ପାଇଁ ଏହାର ଅଧା ୩୯୮ଟଙ୍କା ଧାର୍ଯ୍ୟ କରାଯାଇଛି। ଏହା ଦ୍ୱାରା ତୀର୍ଥଯାତ୍ରୀ ମାନେ ଗୋଟିଏ ଦିନରେ ସୀମାଞ୍ଚଳ ଦର୍ଶନ ସାରି ଫେରି ପାରିବେ। ବିଧାୟକ ଶ୍ରୀ ନାୟକ, ଏନଏସି ଅଧ୍ୟକ୍ଷ ଗୋପବନ୍ଧୁ ମହାପାତ୍ର, ଉପଜିଲ୍ଲାପାଳ ଅନୀଲ କୁମାର ସେଠୀ, ଓଏସଆରଟିସି ମୁଖ୍ୟ ପରିଚାଳକ ଅଂଶୁମାନ ସାହୁଙ୍କ ସମେତ ବହୁ ମହିଳା ଓ ବୁଦ୍ଧିଜୀବୀମାନେ ପ୍ରଥମେ ଏହି ବସରେ ଭଞ୍ଜନଗର ସହର ପରିକ୍ରମା କରିବାର ସୁଯୋଗ ପାଇଥିଲେ।