By ଗାମ୍ବଲିଙ୍ଗ ଆପ୍ ନେଲା ଆଉ ଏକ ଜୀବନ । କଲର ଟ୍ରେଡିଂ ଗାମ୍ବଲିଙ୍ଗ ଆପରେ ଲକ୍ଷାଧିକ ଟଙ୍କା ହାରିବା ପରେ ରେଳ ଧାରଣାରେ ନିଜ ଜୀବନ ହରାଇଛନ୍ତି ଏକ ହୋଟେଲରେ କ୍ୟାସିୟର ଭାବେ କାମ କରୁଥିବା ଅଚ୍ୟୁତାନନ୍ଦ ସାହୁ । ଅଚ୍ୟୁତାନନ୍ଦ କେନ୍ଦ୍ରାପଡା ଜିଲ୍ଲା ଲଙ୍ଗାପଡାର ହୋଇଥିବା ବେଳେ ତାଙ୍କ ମୃତଦେହ ଝାରସୁଗୁଡା ରେଳଷ୍ଟେସନ ନିକଟରୁ ଉଦ୍ଧାର କରାଯାଇଛି । ତେବେ ଅଚ୍ୟୁତାନନ୍ଦଙ୍କ ଏପରି ଆତ୍ମହତ୍ୟା କରିବା ପଛର କାରଣ ମଧ୍ୟ ଜଣାପଡିଛି । ଗେମ୍ବଲିଂ ଆପରେ ସବୁ ପଇସା ହରାଇବା ପରେ ୨୦ରୁ ୨୫ ଲକ୍ଷ ଟଙ୍କାର ଋଣ ମଧ୍ୟ କରିଥିଲେ । ଆଉ ଏଥିରୁ ବର୍ତ୍ତିବା ପାଇଁ ସାହାସ ନଜୁଟାଇ ଏପରି ଚରମ ନିଷ୍ପତ୍ତି ନେଇଥିବା ସୂଚନା ମିଳିଛି । ତେବେ ଏସମ୍ପର୍କରେ ସେ ନିଜ ବାପାଙ୍କୁ ମେସେଜ ଜରିଆରେ ତାଙ୍କ ଆତ୍ମହତ୍ୟାର କାରଣ କହିଛନ୍ତି । ଏବଂ ତାଙ୍କୁ କ୍ଷମା କରିବାକୁ ନିଜ ପରିବାରକୁ ଅନୁରୋଧ କରିଥିବା ମେସେଜରେ ଦର୍ଶାଇଥିବା ସୂଚନା ମିଳିଛି ।
