ମୋହନଙ୍କ ଅଫିସରେ ହଙ୍ଗାମା

ଓଡିଶା କଳି ଦିଲ୍ଲୀରେ ବଢୁଛି ମୋଦିଙ୍କ ମୁଣ୍ଡ ବଥା
ଆସିବେ ମୋଦି ତୁଟିବ ଅପା ଭାଇନାଙ୍କ କଳି
ବିଜେପିରେ ବଡ ହଲଚଲ୍ ହାଇକମାଣ୍ଡ ନେବେ ବଡ ନିଷ୍ପତ୍ତି

ଦାଣ୍ଡରେ ପଡି ହାଟରେ ଗଡୁଛି ସରକାରୀ ଦଳର ଅଡୁଆ । ଖୋଦ ଦଳର ବରିଷ୍ଠ ବିଧାୟକ କେତେବେଳେ ଦଳ ବିରୋଧି ମନ୍ତବ୍ୟ ଦେଉଛନ୍ତି ତ ଅନ୍ୟ କେତେବେଳେ ଉପମୁଖ୍ୟମନ୍ତ୍ରୀ ଓ ସମୀର ଭାଇନାଙ୍କ କଳି ବିଜେପିରେ ବିଦ୍ରୋହ ସୃଷ୍ଟି କରୁଛି । ନିକଟରେ ସମୀର ଭାଇନା ଓ ପ୍ରଭାତି ଅପାଙ୍କ କଳି ରାଜ୍ୟ ରାଜନୀତିରେ ବେଶ ଚର୍ଚ୍ଚାରେ ରହିଥିଲା । ପୂର୍ବରୁ ଲୁଚି ଲୁଚି ବିରୋଧ କରୁଥିବା ସମୀର ଦାସ ବର୍ତ୍ତମାନ ଗଣମାଧ୍ୟମ ସାମ୍ନାରେ ଉପମୁଖ୍ୟମନ୍ତ୍ରୀ ପ୍ରଭାତି ପରିଡାଙ୍କୁ ବିରୋଧ କରୁଛନ୍ତି । ନିମାପଡାରେ ବିକାଶ ନେଇ ପ୍ରଶ୍ନ କରିଥିଲେ ପୂର୍ବତନ ନିମାପଡା ବିଧାୟକ ତଥା ବିଜେପି ମୁଖାପାତ୍ର ସମୀର ରଞ୍ଜନ ଦାସ । ଦୁହିଁଙ୍କ ମଧ୍ୟରେ ଚାଲିଥିବା ଶୀତଳ ଯୁଦ୍ଧ ବର୍ତ୍ତମାନ ରାଜ୍ୟ ରାଜନୀତିରେ ଉଗ୍ରରୂପ ଧାରଣ କରିଛି ।

ସମୀରଙ୍କ ସମର୍ଥନରେ ନିମାପଡା ବିଧାୟିକା ହେଲେ ପ୍ରଭାତି ପରିଡା କିନ୍ତୁ ଉପମୁଖ୍ୟମନ୍ତ୍ରୀ ହେବା ପରେ ସମୀର ଭାଇନାଙ୍କୁ ଭୁଲିଗଲେ ନିମାପଡା ବିଧାୟିକା । ଯାହାପରେ ତେଜିବାରେ ଲାଗିଛି ଦୁଇ ରାଜନେତାଙ୍କ କଳି । ଯାହାର ସମାଧାନ କରିବାକୁ ଆସୁଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ରାଜ୍ୟରେ ବିଜେପି ସରକାରକୁ ଏକ ବର୍ଷ ପୂର୍ତ୍ତି ହୋଇସାରିଛି ମୋହନ ସରକାର ନିଜର ପ୍ରଥମ ଜନ୍ମଦିନ ପାଳନ କରୁଛନ୍ତି । ସବୁଆଡେ ମୋହନଙ୍କ ଭଲକାମର ଚର୍ଚ୍ଚା ହେଉଛି । ଆଉ ଏହି ଉତ୍ସବରେ ସାମିଲ ହେବା ପାଇଁ ଦିଲ୍ଲୀରୁ ଆସୁଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ବିଜେପି ଦଳରେ ବଢୁଥିବା ଅସନ୍ତୋଷ ଧୀରେ ଧୀରେ ଉଗ୍ର ରୂପ ଧାରଣ କରୁଛି ଯାହା ଏବେ ମୋଦିଙ୍କୁ ଚିନ୍ତା ଘାରିଛି । ସେପଟେ ମନ୍ତ୍ରୀମଣ୍ଡଳ ସମ୍ପ୍ରସାରଣ ନେଇ ବିଜେପି ଶିବିରରେ ମାନସମନ୍ଥନ ଚାଲିଛି । ମୋଦି ଆସିବା ପରେ ଏଥିରେ ଖୁବଶୀଘ୍ର ପୂର୍ଣ୍ଣଚ୍ଛେଦ ପଡିପାରେ । ତେବେ ଦେଖିବାକୁ ବାକି ରହିଲା ମୋଦିଙ୍କ ଆଗମନ ବିଜେପି ପାର୍ଟି ଅଫିସରେ କେଉଁ ବିସ୍ପୋରଣ କରୁଛି ।