By ଆଗକୁ ଆହୁରି କାନ୍ଦିବେ ଚାଷୀ । ଚାଷୀଙ୍କୁ ପୁଣି କନ୍ଦାଇବ ମୋଦି-ଟ୍ରମ୍ପଙ୍କ ନୂଆ ଡିଲ୍ । ଆମେରିକା ଏବଂ ଭାରତ ମଧ୍ୟରେ ଅନେକ ବାଦ ବିବାଦ ପରେ ପୁଣି ବନ୍ଧୁତା ହୋଇଛି । ଏପରିକି ଦୁଇ ଦେଶ ମଧ୍ୟରେ ନୂଆ ବାଣିଜ୍ୟିକ ଡିଲ୍ ବି ହୋଇଛି । କିନ୍ତୁ ଏହି ଡିଲ୍ ଗୋଟିଏ ପଟେ ଲାଭ ଦେଉଥିବା ବେଳେ ଚାଷୀଙ୍କ ପାଇଁ କିନ୍ତୁ କ୍ଷତିକାରକ ହେବା ନେଇ କୁହାଯାଉଛି।
ତେବେ ଏହି ନୂଆ ଡିଲରେ ଭାରତର ବଜାରରେ ଆମେରିକୀୟ କୃଷି ଉତ୍ପାଦର ରପ୍ତାନୀ ବୃଦ୍ଧି ହେବା ନେଇ ସ୍ପଷ୍ଟ ହୋଇଛି । ଏପରିକି ଭାରତୀୟ ବଜାରରେ ଆମେରିକା ନିଜର କୃଷି ଯନ୍ତ୍ରପାତିର ମୂଲ୍ୟ ବୃଦ୍ଧି କରିବା ସହିତ ଆମେରିକୀୟ କୃଷକମାନଙ୍କ ପାଇଁ ଆର୍ଥିକ ଲାଭ ବଢାଇବ । 2024ରେ ଭାରତରୁ ଆମେରିକା 1.3 ବିଲିୟାନ ଡଲାରର କୃଷି ଉତ୍ପାଦ ଆମଦାନୀ କରିଥିବା ବେଳେ ଏବେ ଏହି ଡିଲ୍ ମାଧ୍ୟମରେ ଏହାର ଭରଣା କରିବାକୁ ଆମେରିକା ଆଶା ରଖିଛି । ଭାରତରେ ଆମେରିକୀୟ ଉତ୍ପାଦଗୁଡିକୁ ଉଚ୍ଚ ଦରରେ କିଣିବା ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରାଜି ହୋଇଥିବା ଜଣାପଡିଛି । ଯେଉଁଥିରେ 500 ବିଲିୟନ ଡଲାରରୁ ଅଧିକ ମୂଲ୍ୟର ଶକ୍ତି, ପ୍ରଯୁକ୍ତିବିଦ୍ୟା, କୃଷି ଉତ୍ପାଦ, କୋଇଲା ଏବଂ ଅନ୍ୟାନ୍ୟ ସାମଗ୍ରୀ ଅନ୍ତର୍ଭୁକ୍ତ।
ତେବେ ଭାରତୀୟ ବଜାରରେ ଆମେରିକୀୟ କୃଷି ଉପକରଣ ବିକ୍ରି ହେବା ଉଚ୍ଚ ପ୍ରଯୁକ୍ତିବିଦ୍ୟା ଉନ୍ନତି ପାଇଁ ସମ୍ଭାବନା ସୃଷ୍ଟି କରୁଛି ସତ । କିନ୍ତୁ ଏହା ଅନେକ ଆର୍ଥିକ ଚ୍ୟାଲେଞ୍ଜ ବି ସୃଷ୍ଟି କରୁଛି । ତେବେ ଏହି ଡିଲ ମାଧ୍ୟମରେ ଚାଷୀଙ୍କୁ ହେବାକୁ ଥିବା ଫାଇଦା କହିଲେ, ଚାଷ କାର୍ଯ୍ୟରେ ଆମେରିକୀୟ ଯନ୍ତ୍ରପାତି ମାଧ୍ୟମରେ ଫସଲ ଉତ୍ପାଦନ ଏବଂ କାର୍ଯ୍ୟକ୍ଷମ ଗତିକୁ ବୃଦ୍ଧି କରିବ । ପାୱାର ୱିଡର୍ସ, ଟିଲର୍ସ ଏବଂ ପ୍ରିସିସନ୍ ସ୍ପ୍ରେୟର ଭଳି ଉନ୍ନତ ଉପକରଣ ଚାଷୀମାନଙ୍କୁ କମ୍ ସମୟରେ ଅଧିକ ଜମିରେ ଚାଷ କରିବାରେ ସାହାଯ୍ୟ କରିବ । ଶ୍ରମ ଖର୍ଚ୍ଚ, ଜଳ ବ୍ୟବହାର ଏବଂ ଇନ୍ଧନ ବ୍ୟବହାରକୁ ହ୍ରାସ କରିବ । ସ୍ୱତନ୍ତ୍ର ତଦାରଖ ଏବଂ ଯତ୍ନ ଉପକରଣଗୁଡ଼ିକ ସୁସ୍ଥ ଗଛଗୁଡ଼ିକୁ ବାଛିବା ସହିତ ଯାହା ଉନ୍ନତ ଗୁଣବତ୍ତା ଅମଳ କରିଥାଏ ଯାହା ଉଚ୍ଚ ବଜାର ମୂଲ୍ୟ ପ୍ରଦାନ କରିପାରିବ। ଏହାସହିତ ସରକାରଙ୍କ ସପୋର୍ଟ ମଧ୍ୟ ରହିବ ।
କିନ୍ତୁ ଏହି ଯନ୍ତ୍ରପାତି କିଣିବା ପାଇଁ ବିପୁଳ ପୁଞ୍ଜି ଆବଶ୍ୟକ । ଏହି ଯନ୍ତ୍ରପାତିର ମୂଲ୍ୟ ଅଧିକ ରହିବାରୁ ଅଧିକାଂଶ ଭାରତୀୟ ଚାଷୀ ଏହି ଯନ୍ତ୍ରପାତି କିଣିବା ପାଇଁ ବ୍ୟାଙ୍କ ଋଣ ଉପରେ ନିର୍ଭର କରନ୍ତି । ଏହା ସହିତ ଆମେରିକୀୟ ଯନ୍ତ୍ରପାତି ବଡ ଫାର୍ମ ପାଇଁ ଡିଜାଇନ କରାଯାଇଥାଏ । କିନ୍ତୁ ଭାରତୀୟ ଫାର୍ମ 2 ହେକ୍ଟରରୁ କମ୍, ଯାହା ଫଳରେ ବଡ଼ ଧରଣର ଆମେରିକୀୟ ଉପକରଣଗୁଡ଼ିକୁ ଯଥାର୍ଥ କରିବା କିମ୍ବା ଶାରୀରିକ ଭାବରେ ପରିଚାଳନା କରିବା କଷ୍ଟକର । ଅନେକ ଭାରତୀୟ ଚାଷୀଙ୍କ ପାଖରେ ଉଚ୍ଚ-ପ୍ରଯୁକ୍ତିବିଦ୍ୟା ଇଲେକ୍ଟ୍ରୋନିକ୍ ଏବଂ ରୋବୋଟିକ୍ ଯନ୍ତ୍ରପାତି ପରିଚାଳନା କିମ୍ବା ମରାମତି କରିବା ପାଇଁ ବ୍ୟବହାରିକ ତାଲିମର ଅଭାବ ବି ଅଛି। ଦୁର୍ବଳ ଗାଁ ରାସ୍ତା ଅବସ୍ଥା ଭାରୀ ଯନ୍ତ୍ରପାତି ଯିବା ଆସିବାକୁ ସୀମିତ କରିପାରେ, ଏବଂ ଯନ୍ତ୍ରପାତିର ଯଦି କୌଣସି ପାର୍ଟ ଖରାପ ହୋଇଯାଏ ତେବେ ଏହାକୁ ସଜାଡିବା ମଧ୍ୟ କଷ୍ଟକର ହୋଇପାରେ। ଏହା ସହିତ ଏହି ଯନ୍ତ୍ରପାତି ଚାଷ ଜମିରେ କାମ କରୁଥିବା ଶ୍ରମିକଙ୍କ କାମ ମଧ୍ୟ ଛଡାଇ ନେବ । ତେଣୁ ଅଧିକାଂଶ ଚାଷୀଙ୍କ ପାଇଁ ଏହି ଡିଲ୍ କ୍ଷତି ଆଣିପାରେ ।
ତେବେ କେବଳ ଏତିକି ନୁହେଁ , ନୂଆ ଡିଲରେ ଭାରତ ଆମେରିକୀୟ ସାମଗ୍ରୀ ବିରୁଦ୍ଧରେ କୌଣସି ପ୍ରକାର ଶୁଳ୍କ ଲାଗୁ କରିବନି, କୌଣସି ପ୍ରକାର ପରିବନ୍ଧକ ଲାଗୁ କରିବନି , ଆମଦାନୀ ଲାଇସେନ୍ସ ଏବଂ ଅନ୍ୟ ଦେଶରୁ ଆସୁଥିବା ସାମଗ୍ରୀ ଯାଞ୍ଚ ପାଇଁ ଯେଉଁ ଜଟିଳ କଷ୍ଟମ ପ୍ରକ୍ରିୟା ରହିଛି ସେଗୁଡିକୁ ହଟାଇବା ନେଇ ଚୁକ୍ତି ସ୍ବାକ୍ଷର ହୋଇଥିବା ସୂଚନା ରହିଛି ।
