By ଶୁକ୍ରବାର ସନ୍ଧ୍ୟା ରେ ଜି 20 ସମ୍ମିଳନୀ ରେ ଯୋଗ ଦେବା ପାଇଁ ନୂଆ ଦିଲ୍ଲୀ ପହଁଞ୍ଚିବେ ଆମେରିକା ରାଷ୍ଚ୍ରପତି ଜିଓ ବାଇଡେନ । ଆମେରିକା ରାଷ୍ଚ୍ରପତି ଆସୁଥିବା ହେତୁ ଦିଲ୍ଲୀ ରେ ସୁରକ୍ଷା ବ୍ୟବସ୍ଥା କୁ କଡାକଡି କରାଯାଇଛି । କୁହାଯାଉଛି ରାଷ୍ଚ୍ରପତିଙ୍କ ସୁରକ୍ଷା ପାଇଁ 300 ସ୍ପେଶାଲ କମାଣ୍ଡୋ ନିଯୁକ୍ତ କରାଯାଇଛି । ଖାଲି ସେତିକି ନୁହେଁ, ବାଇଡେନ ଙ୍କ ସୁରକ୍ଷାରେ 50 ଟି ଗାଡି ସାମିଲ ହେବ ଯାହା ଭିତରେ ରହିଛି ସବୁଠୁ ସୁରକ୍ଷିତ କାର ‘’ଦ ବିଷ୍ଚ’’ ।
ଅନେକ ଦୃଷ୍ଟିରୁ ଆମେରିକା ରାଷ୍ଟ୍ରପତିଙ୍କ କାର ଖାସ୍ ଅଠେ । କୁହାଯାଏ ଏହା ହେଉଛି ବିଶ୍ୱର ସବୁଠୁ ସୁରକ୍ଷିତ କାର । ଏହି କାର ଉପରେ ଇଆଇଡି ଏବଂ କେମିକାଲ ଆକ୍ରମଣର କୌଣସି ପ୍ରଭାବ ପଡିନଥାଏ । ଅନ୍ୟପଟେ ଆମେରିକା ରାଷ୍ଟ୍ରପତିଙ୍କ କାର ନମ୍ବର ହେଉଛି ୪୬ । ଯାହାକି ସୂଚନା ଦେଇଥାଏ ଯେ, ବାଇଡେନ୍ ହେଉଛନ୍ତି ଆମେରିକାର ୪୬ ତମ ରାଷ୍ଟ୍ରପତି ।ଏହି କାରକୁ ଯଦି ଆକ୍ରମଣକାରୀ ଆକ୍ରମଣ କଲା ପରେ ଛୁଅନ୍ତି ତେବେ ସେମାନଙ୍କୁ 120 ଭୋଲଟ୍ ର ଝଟକା ଲାଗିଥାଏ । ଆମେରିକା ରାଷ୍ଟ୍ରପତି ଦୁନିଆର କୌଣସି ଦେଶକୁ ବି ଗଲେ, ତାଙ୍କ ସହ ଏହି କାର ମଧ୍ୟ ଯାତ୍ରା କରିଥାଏ । ସୂଚନା ମୁତାବକ, ଏହି କାରର ମୂଲ୍ୟ ହେଉଛି ୧୨ କୋଟି ୪୭ ଲକ୍ଷ ।
