By ଭାରତର ଐତିହର ମୁକସାକ୍ଷୀ ଥିବା ଛତ୍ରପତି ଶିବାଜୀ ଙ୍କ ଖାସ୍ ହତିଆର ବାଘ ନଖ ଭାରତ ଫେରିବ । ଏଥିରେ ଶିବାଜୀ ନିଜ ବୁଦ୍ଧି ବଳରେ ମୋଗଲ ବାଦଶାହା ଅଫଜାଲ ଖାନ ଙ୍କର ହତ୍ୟା କରିଥିଲେ । ଗତ ଅନେକ ଦଶନ୍ଧି ଧରି ଏହି ବିରଳ ବାଘ ନଖ ଲଣ୍ଡନର ଆଲର୍ବଟ ମ୍ୟୁଜିୟମରେ ରଖାଯାଇଛି । ସୂଚନା ମୁତାବକ, ମହାରାଷ୍ଟ୍ରର ସଂସ୍କୃତି ମନ୍ତ୍ରୀ ସୁଧୀର ମୁନଗଣ୍ଟିବାର ଏହି ବାଘ ନଖକୁ ଭାରତ ଫେରାଇ ଆଣିବା ଉପରେ ସୂଚନା ଦେଇଛନ୍ତି । ସେ ଚଳିତ ମାସ ଶେଷ ସୁଦ୍ଧା ଲଣ୍ଡନ ଯାଇ ଲଣ୍ଡନ ସ୍ଥିତ ଭିକ୍ଟୋରିଆ ଆଣ୍ଡ ଆଲବର୍ଟ ମ୍ୟୁଜିୟମ ଅଥରିଟିଙ୍କ ସହ ଚୁକ୍ତିପତ୍ର ସ୍ୱାକ୍ଷର କରିବେ । ଏହାପରେ ଚଳିତ ବର୍ଷ ଶେଷ ସୁଦ୍ଧା ଏହାକୁ ଭାରତକୁ ଫେରାଇଅଣାଯିବ ବୋଲି ସୂଚନା ଦିଆଯାଇଛି । ପ୍ରଥମେ ଏହା ମରାଠା ର ରାଜଧାନୀ ସତାରା ରା ରଖାଯାଇଥିଲା । 1818 ମସିହାରେ ପେଶୱାର ପ୍ରଧାନମନ୍ତ୍ରୀ ଏହାକୁ ଇଷ୍ଚ ଇଣ୍ଡିଆ କମ୍ପାନୀ ର ଅଧିକାରୀ ଜେମସ ଗ୍ରାଣ୍ଟ ଡଫ ଙ୍କୁ ଉପହାର ଭାବେ ଦେଇଥିଲେ । 1824 ରେ ଡଫ ଲଣ୍ଡନ ଫେରିବା ପରେ ଏହାକୁ ମ୍ୟୁଜିୟମକୁ ଦାନ କରିଥିଲେ ।
