ଗୋଡରେଜ ଆଲମିରା କିଣନ୍ତୁ ନିଜ ସୁନା, ରୁପାକୁ ସୁରକ୍ଷିତ ରଖନ୍ତୁ

ଆଲମିରା ବି ଅନେକ ଡିଜାଇନର ଦେଖିବାକୁ ମିଳେ । ଏହି ସବୁ ଆଲମିରାରେ ଜିନିଷ ସବୁ ଚେରି ମଧ୍ୟ ହୋଇଯାଏ । କିନ୍ତୁ ଗୋଡରେଜର ଆଲମିରାରେ ରେ ଜିନିଷ ରଖିଲେ ମିଳିବ ଅନେକ ସୁରକ୍ଷା । ତେବେ ଆମେ ଅନେକ ଘରେ ପୁରୁଣା ଆଲମିରା ଦେଖିଥିବେ । ଏଥିରେ ଗୋଡ଼ରେଜ କମ୍ପାନୀର ନାମ ଲେଖାଯାଇଥିବ । ତେବେ ଆପଣ ଜାଣନ୍ତି କି ଏହି କମ୍ପାନୀ କିଭଳି ଆରମ୍ଭ ହୋଇଥିଲା । ଦିନକୁ ଦିନ ବଢୁଥିବା ଚୋରି ଘଟଣା ଏହି କମ୍ପାନୀ ଗଠନ ପାଇଁ ପ୍ରେରଣା ଦେଇଥିଲା । କଥାଟି ଶୁଣିବାକୁ ଅଜବ ଲାଗୁଥିଲେ ବି ଏକଥା ଏକଦମ ସତ ।ଗୋଡ଼ରେଜ କମ୍ପାନୀକୁ ୧୮୯୭ ଆରଦେଶୀର ଗୋଡ୍ରେଜ ଆରମ୍ଭ କରିଥିଲେ । ସେତେବେଳେ ତତ୍କାଳୀନ ବମ୍ବେରେ ଚୋରି ଘଟଣା ବଢ଼ିବାରେ ଲାଗିଥିଲା । ଆଉ ଚୋରି ଘଟଣା ବଢୁଥିବାବେଳେ ଲୋକମାନେ ନିଜର ଟଙ୍କା ଓ ସୁନା ଗହଣା କିଭଳି ସୁରକ୍ଷିତ ରଖିବେ ସେନେଇ ଚିନ୍ତାରେ ପଡିଯାଇଥିଲେ । ଆଉ ଏହି ସମୟରେ ଆରଦେଶୀର ଗୋଡ୍ରେଜ ନିଷ୍ପତ୍ତି ନେଇଥିଲେ ଯେ ଲୋକଙ୍କ ସମସ୍ୟାକୁ ପ୍ରତିହତ କରିବା ପାଇଁ ଏମିତି ଏକ ଆଲମିରା ତିଆରି କରିବେ ଯାହାକି ଲୋକଙ୍କ ପକେଟକୁ ସୁହାଇବ ଓ ଅଧିକ ସୁରକ୍ଷା ପ୍ରଦାନ କରିବ । ଅବଶ୍ୟ ସେତେବେଳେ ବିଦେଶରୁ ଏସବୁ ଆସୁଥିଲେ ବି ମୂଲ୍ୟ ବହୁତ ଅଧିକ ଥିଲା ।

ଏହାପରେ ଆରଦେଶୀର ଗୋଡ୍ରେଜ ତାଙ୍କ ସାଙ୍ଗଙ୍କ ସହ ମିଶି ଏକ ଲକ୍ ତିଆରି କରିଥିଲେ, ଯାହା ବ୍ରିଟିଶ୍ ଲକ୍ ଅପେକ୍ଷା ବହୁତ ଶକ୍ତିଶାଳୀ ଏବଂ ନିରାପଦ ଥିଲା । ଗୋଡ୍ରେଜଙ୍କ ଲକ୍ ବହୁ ଲୋକପ୍ରିୟତା ହାସଲ କରିଥିଲା । ସେମାନେ ଶୀଘ୍ର ଭାରତର ଏକ ଅଗ୍ରଣୀ ତାଲା ଓ ଆଲମିରା ଉତ୍ପାଦକ ଭାବରେ ନିଜର ପରିଚୟ ସୃଷ୍ଟି କଲେ । ସେ ତାଙ୍କର ବ୍ୟବସାୟକୁ ବିସ୍ତାର କରି ଅନ୍ୟାନ୍ୟ ଉତ୍ପାଦ ଯଥା ଫ୍ରିଜ୍ ଏବଂ ଟିଭି ଉତ୍ପାଦନ ଆରମ୍ଭ କଲେ । ଗୋଡ୍ରେଜ୍ କମ୍ପାନୀ ଆଜି ଭାରତର ସବୁଠାରୁ ବଡ ଏବଂ ସଫଳ କମ୍ପାନୀ ମଧ୍ୟରୁ ଅନ୍ୟତମ । ଏହା ଏକ ବହୁରାଷ୍ଟ୍ରୀୟ କମ୍ପାନୀ, ଯାହାର ବ୍ୟବସାୟ ଭାରତ ବ୍ୟତୀତ ଅନ୍ୟାନ୍ୟ ଦେଶରେ ଅଛି ।ଗୋଡ୍ରେଜ୍ କମ୍ପାନୀର ସଫଳତା କାହାଣୀ ଶିକ୍ଷା ଦିଏ ଯେ କଠିନ ପରିଶ୍ରମ, ନିଷ୍ଠା ଏବଂ ନୂତନତ୍ୱ ଦ୍ୱାରା ଯେକୌଣସି ଜିନିଷ ହାସଲ କରାଯାଇପାରିବ ।