ଯାଜପୁରରେ ମାଆଙ୍କ ଲାଖବିନ୍ଧା ଯାତ୍ରା

ଯାଜପୁରରେ ଅଧିତ୍ରାଷ୍ଠୀ ମାଆ ବିରଜାଙ୍କ ପାର୍ବଣ ଯାତ୍ରା ବା ରଥ ଯାତ୍ରା ଶେଷ ହୋଇଛି । ନବରାତ୍ରୀ ଅବସରରେ ୧୬ ଦିନ ଧରି ଏହି ପୂଜା ଚାଲିଥିଲା । ମାଆଙ୍କ ପୀଠରେ ନବମୀ ଅବସରରେ ସଂଧ୍ୟାରେ ରଥଯାତ୍ରା ଶେଷ ହେବା ପରେ ବିଳମ୍ବିତ ରାତିରେ ମା’ଙ୍କ ଲାଖବିନ୍ଧା ଯାତ୍ରା ଅନୁଷ୍ଠିତ ହୋଇଛି । ୯ ଦିନ ଧରି ରଥରେ ବିଜେ ଥିବା ମା’ଙ୍କ ପ୍ରତିମାଙ୍କୁ ରଥରୁ ଅବତରଣ କରାଯାଇ ସୁସଜ୍ଜିତ ବିମାନରେ ଶୋଭାଯାତ୍ରା ଜରିଆରେ ଲାଖବିନ୍ଧା ପଡ଼ିଆକୁ ନିଆଯାଇଥିଲା । ସେଠାରେ ବିଭିନ୍ନ ପୂଜା ସହ ଲାଖବିନ୍ଧା କରାଯାଇଥିଲା ଏବଂ ପରେ ମାଆଙ୍କର ଗୁପ୍ତନୀତି ସଂପନ୍ନ ହୋଇଥିଲା ।